5. Историски (173)
  • img-book

    Ова е другото лице на историјата. Тука освојувачите со оружје, 
со збор или хармонизирани ноти, независно, се плен на потребата за двојно скротување, за нежност, попрецизно – за љубов, односно, да бидеме доследни докрај – за љубовниот копнеж исцеден во интимно интонирани писма што му се противставуваат
 на времето во јуриш.

    Прочитајте ги похотливите воздишки, развигорените чувства
 и срцевите изблици на луѓето кои им да е важност на историските отсечки од нивното време, поаѓајќи од скокотливиот Волтер, мистериозниот Бетовен, па правдољубивата Мери Волстонкрафт 
и актерката Жулиет Друе, но и други громки имиња.

    Amor vincit omnia!


  • img-book

    Алхемичарот е повест за едно долго и макотрпно трагање по сопствената среќа. Младиот андалудиски овчар Санитијаго тргнува во потрага по закопаното благо во египетските пирамиди. Воден од еден алхемичар низ пустината, тој ќе научи да го слуша своето срце, да ги чита знаците на судбината и, што е најважно, да го следи до крај својот сон.

    Посветена на детето што секој човек го носи во себе, Алхемичарот е чудесна филозофска приказна што не учи дека животот е една голема книга во која секој би можел да ги дешифрира знаците, доколку го „чита“ своето срце.

    “Алхемичарот е своевидна филозофска сказна што критичарите ја споредуваат со Малиот принц на Сент Егзипери, затоа што преголемиот животен оптимизам и сонот авторот во ова дело ги толкува не како бегство, туку како начин за осознавање на реалноста. Американското друштво на книжарите во 1994 година го прогласи Алхемичарот за најдобра книга за млади. Алхемичарот претставува и тема на мјузиклот изведен во 1997 година во Јапонија, што како инспирација го користи композиторот Валтер Талеб за истоимената симфонија, пуштена во продажба во 1998 година, а филмската компанија Вернерс Брадрс ги има откупено правата за снимање филм.”


    АЛХЕМИЧАРОТ од: 280 ден
  • img-book

    Автентична збирка на лични сведоштва и размислувања на Љубен Конески, поранешен висок припадник на Службата за безбедност во времето на СФРЈ и во периодот на самостојна Република Македонија. Оваа книга е прва од ваков формат во независна Македонија, при што претставник на тајната државна служба преку една литераризирана форма го преставува периодот од животот поминат во редовите на оваа често дискутирана и многу табуизирана професија. Во стил што се наоѓа помеѓу сеќавањето и кусиот расказ, Конески јавно проговорува за познати и не толку познати настани и личности од политичкиот и јавниот живот, фрлајќи нов зрак светлина не само на историските процеси туку и на внатрешните состојби на оваа служба.

     

    Првпат читајте за:

    – најавите за воен удар во предвечерието на независноста на Македонија;

    – акцијата за сопирањето на еден конвој на ЈНА и можните инциденти;

    – ретки детали од истрагата за атентатот на Киро Глигоров;

    – лозунгот што беше најстрого чувана службена тајна врзана за смртта на Ј. Б. Тито;

    – контактите на ВМРО–ДПМНЕ со членовите на ДБК;

    – акцијата за одземање на документацијата за испраќање регрути на боиштата во поранешна Југославија;

    – реорганизацијата и трансформацијата на службите за безбедност;

    – вистински примери од отворањето на тајните досиеја;

    – (не)мешањето на УБК на приватниот помен по повод 25 години од смртта на Ченто;

    – активности на странските служби преку пласман на капитал во стопанскиот живот во Македонија;

    – контроверзиите околу панихидата за Методија Кусев, бугарскиот митрополит со потекло од Прилеп.


    УБК одблизу од: 250 ден
  • img-book

    Гламурозно, но и предаторски, Борџија ја обележуваат ренесансна Италија.
    Расцепкана на многу кралства, војводства и град-држави, папата Александар VI користејќи ја својата вонбрачна ќерка, Лукреција, како инструмент на владеење, успева во своите политички интриги.
    Животот на Лукреција Борџија е сечиj само не и нејзин. Искористена за целите на својот татко и браќата, таа преживува како физички така и душевен пекол.
    Желбата за искрена љубов, безгрижен живот и соништа на една млада девојка, се заменети со бескрупулозни игри и инцестни односи.
    Дали историјата била неправедна кон ликот на Лукреција?
    Желбата за преживување и одмазда, можеби, е посилна и од највозвишената љубов.


  • img-book

    МОЌНА ИСТОРИСКА САГА ЗА ПРЕДИЗВИЦИТЕ НА ЖИВОТОТ ВО ПРОГОНСТВО И ЗА ТЕШКИТЕ ИЗБОРИ НА ОНИЕ ШТО СЕ ПРИНУДЕНИ ДА ЈА ПРИФАТАТ НЕИЗВЕСНАТА ИДНИНА, СО КУФЕРИ ПОЛНИ НАДЕЖ.

    Откако Хитлер доаѓа на власт, професорот Герхард Шлиман, неговата сопруга Елза и нивните две деца, Сузи и Петер, ја напуштаат Германија за да побегнат од прогонот на нацистите.
    Прво заминуваат во Цирих, а потоа во Турција, кога Герхард добива понуда од Универзитетот во Истанбул. И додека Сузи и Герхард се обземени од турската култура и се обидуваат да се вклопат, Елза и Петер и понатаму цврсто се држат до своето германско потекло.
    Во муслиманскиот град, новите обичаи имаат силно влијание на нивните животи – дотаму што го менуваат нивниот поим за татковина и припадност.

    Од Втората светска војна до времето на друштвените мрежи, генерации од едно семејство ќе го бараат својот пат низ љубов и неволји, жртва и спасување, победа и пораз: со тешко стекнато знаење и страст во секое отчукување на срцето.


    Без своја земја од: 220 ден
  • img-book

    „Му се доверив на мојот млад посетител дека ниту една слика на тие мрачни денови не ме допрела толку како вагоните полни со еврејски деца, на железничката станица во Остерлиц… Јас не сум ги видел со сопствени очи, но жена ми ми ги опишуваше, сè уште исполнета со ужасот што го чувствувала. Тогаш ништо не знаевме за методите на истребување на нацистите. А кој би можел да замисли такво нешто! Но, тие јагниња одделени од нивните мајки, тоа веќе беше повеќе од тоа што мислевме дека е возможно. Тој ден мислам дека првпат ја допрев мистеријата на неправдата, чиешто откритие го означи крајот на една ера и почетокот на друга. Сонот што западниот човек го имаше во XVIII век и кој мислеше дека во 1789 година конечно ја виде светлината на денот, а до втори август 1914 година се засилуваше со напредокот на просветителството и откривањето на науката, тој сон на крајот за мене се распрсна пред овие вагони натоварени со мали момчиња, а воопшто не ми паѓаше на ум дека со нив ќе ги наполнат гасните комори и крематориумите.“

     

    Франсоа Моријак


    Ноќта од: 200 ден
  • img-book

    Мазума никогаш не ја запозна слободата. Знае само да ги слуша браќата и татко ѝ. Знае и за ќотек, кој често го добива. Се знае што се очекува од чесна девојка како неа, да им служи на мажите секогаш и секаде, да чекори брзо со спуштен поглед. Сепак, Мазума денеска не беше послушна. Се осмели да го погледне младичот, што секој ден го среќава во тесните сокаци на својот град. Не требаше многу за нивните погледи да прераснат во голема љубов. Oпасна љубов, што не може да се сокрие и поради која ќе биде казнета. Виновна е за најголемиот грев, затоа што љуби. Овој пат, ќотекот не е доволна казна. За да ја зачува честа на семејството, мора веднаш да се омажи и тоа за човекот што ќе ѝ го одберат нејзините браќа. Од тој момент, Мазума мора да ја прифати својата судбина. Да биде жена посветена на својот маж, да ја исполни секоја негова желба, а притоа да биде и грижлива мајка на своите деца.
    Приказна за силните жени кои се борат за она што го сакаат, за пријателството и страстите, но и за љубовта кон татковината. Извонреден роман за љубовта и надежта, за омразата и страдањето…
    Паринуш Сание храбро и одлучно ја открива вистината за жените во Иран, заробени од традицијата, кои и денес, во овој момент, се борат против фанатизмот.
    Додека во Иран беснее револуцијата, оваа жена ќе ја пронајде храброста во љубовта што ја чувала длабоко во себе и никогаш не ја заборавила. И ќе го чека денот кога конечно ќе го добие она што го заслужува.


  • img-book

    Мица Мариќ секогаш била различна од другите девојки. Во своите дваесетти години, повеќето веќе биле сопруги и мајки. Не учеле физика на елитен Универзитет во Цирих, ниту, пак, другите мажи се натпреварувале со нив во решавање равенки. Но, Мица била доволно паметна да знае дека за неа математиката е поедноставна од бракот. И тогаш, еден колега од нејзиниот факултет – Алберт Ајнштајн – ќе покаже љубовен интерес за неа. Како последица, нејзиниот свет ќе се сврти наопаку. Нивната врска не е само емотивна туку и интелектуална. Но, се чини, во една врска има место за само еден гениј. „Другиот Ајнштајн“ е извонредна биографска фикција што пишува за бурната љубов меѓу Милева и Алберт. Книгата открива многу историски детали за нивната врска, но и за времето во кое живееле.


  • img-book

    Годината е 1939-та, а местото е Париз. На младата, убава и амбициозна парижанка Одил Суше сè ù оди од рака: ја добива својата работа од соништата во Американската библиотека во Париз и почнува љубовна врска со згодниот и либерален полицаец Пол, кој ја сака и ги поддржува нејзините соништа и амбиции. Но, Германија секавично напредува во војната, а Париз е под опсада и преполн со нацистички војници. Сè што на Одил ù е драго, вклучувајќи ја и Американската библиотека, може да исчезне секој момент.

    Годината е 1983-та, а местото е малото гратче Фројд во Монтана. На тинејџерката Лили ништо не ù оди од рака. Непопуларна е на училиште, не може да го освои момчето кое го посакува, а мајка ù одеднаш тешко се разболува. Но, тука е нејзината софистицирана и образована сосетка со странско потекло со која полека се зближува. Таа со нејзиниот ум и со нејзиното однесување отскокнува од здодевното секојдневие на малиот град, а нејзиниот живот и минатото се обвиткани со мистерија и тајни. Лили не знае колку тие тајни засекогаш ќе ù го сменат животот.

    Романот „Париската библиотека“ од Џенет Скеслин Чарлс е интересна и возбудлива приказна, полна со љубов и драма, тажни и среќни човечки судбини. Исто така, тоа е роман за книги и роман за неочекувани херои и хероини – за тоа како книгите можат да ни го сменат животот, а како читателите можат да го сменат светот.


  • img-book

    Нинбург, септември 1960: Поствоена Германија, разбранувана со младински движења чии водачи се родиле во рушевините на војната, е средината во која младата Клара првпат влегува во средното училиште, кое ќе ѝ го промени животот. Девојка која се крие зад блокот цртежи со јаглен на кејот на реката Зале, која сака да остане незабележана од надворешниот свет, станува дел од необична дружина по име Еквилибриум, со која влегува во светот на политичките движења во Западна Германија. Низ целата приказна владеат мистеријата и сенката што ја обвиваат Клара, борбата со анксиозноста и депресијата кои ја следат откако Зaле ја зеде својата прва жртва, а играта на судбината ја впушта во потрага на исчезнато момче која ќе отвори нов свет исполнет со мистерија, љубов, измами, гнев и заборав. Приказна која плени со својата комплексност, проткаена со драма и романса, обвиена во мистерија со вклучени вистински историски настани – сите состојки потребни да создадат возбуда и тензија која ни еден читател нема да остави рамнодушен.


  • img-book

    На крајот од Втората светска војна, Сирил Конрој го послужува среќата кога со една мудра инвестиција ќе создаде огромна империја со недвижнини, воздигнувајќи го семејството од сиромаштија до екстремно богатство. Неговиот прв деловен потег е купувањето на Холандската куќа, раскошен имот во предградијата надвор од Филаделфија. Предвидена како изненадување за неговата сопруга, куќата станува причина да ги изгуби сите што ги сакал.

    Приказната е раскажана од синот на Сирил, Дени, додека тој и неговата сестра Мев се избркани од куќата во која пораснале со нивната маќеа. Тие, од богатство, повторно се фрлени во сиромаштијата од која излегле нивните родители и откриваат дека можат да сметаат само еден на друг. Градат цврста врска што ги спасува нивните животи и ги исцртува нивните иднини.

    Раскажана во временски период од пет децении, „Холандската куќа“ е мрачна бајка за двајца паметни луѓе кои не можат да го надминат минатото. И покрај секој проблесок на успех, тие, со доза на хумор и гнев, се враќаат на добро чуваната приказна за она што го изгубиле. Кога најпосле се присилени да се соочат со луѓето кои ги оставиле, врската помеѓу попустливиот брат и неговата заштитнички настроена сестра е конечно тестирана.


  • img-book

    Во април 1942 година, Лале Соколов како словачки Евреин, е депортиран во комплексот на концентрациони логори Аушвиц-Биркенау. Откако неговите заробувачи ќе откријат дека Лале зборува неколку јазици, тој ќе биде ангажиран да работи како Тетовирач, а со тоа ќе остави доживотен белег во судбините на луѓето.

    По две и пол години поминати во Аушвиц, Лале е сведок на ужасни злосторства, но исто така и на неверојатните акти на храброст и сочувство. Ризикувајќи го својот живот, тој ќе ја искористи својата привилегирана позиција за размена на накит и пари од убиените Евреи за да купи храна и да им помогне на затворениците да преживеат. Еден ден во јули 1942 година, затвореничката со број 32407 му ја менува судбината на Лале. Тој е цврсто решен дека некако ќе го преживее логорот и дека еден ден ќе се ожени со неа.

    „Тетовирачот од Аушвиц“ е живописно и стравично сведоштво за издржливоста на љубовта и човештвото во најмрачните можни услови.


  • img-book

    Дури и зад престолот може да владее жена.

    Приказна раскажана од мајката на Русија, последната Мајка Царица. Историски автентичен роман за животот на Марија Фјодоровна, еден од најзначајните женски ликови во царска Русија, која е сведок на трагичниот крај на царската лоза на Романови. На, речиси, деветнаесет години, ветриштата на судбината ќе ја однесат Мини во Русија, откако нејзината сестра Аликс станува дел од Англиското кралство, како снаа на Кралицата Викторија. Мини го добива своето православно име Марија Фјодоровна по склучувањето на царскиот брак со еден од Романови. Таа никогаш не заборава која е, но љубовта која ја чувствува кон Русија е, речиси, идентична со мајчинската љубов. По смртта на нејзиниот сопруг, нејзиниот син Николај го започнува своето владеење, под будното око на неговата сопруга Александра, заслепена од влијанието на Распутин.

    Незапирливиот бран на Болшевичката револу ција конечно го става крајот на царското владеење со Русија. Така Марија ќе биде сведок на крајот на царска Русија и ќе се соочи со најопасниот предизвик и со најголе мата болка за една мајка, за Мајката Царица. Приказна за сите предизвици со кои се соочуваат само од Бога избраните да владеат.


  • img-book

    Вистината е дека никој не e невин. Сите ние имаме гревови.

    Исповедите на Катерина Медичи е брилијантна новела за животот на една од најмоќните жени во историјата. За некои таа е Кралицата која ја воведе Франција во ерата на дивјачкото насилство.
    За други таа е посветен спасител на Француската монархија.
    Избегнувајќи ја сигурната смрт во родната Фиренца, Катерина Медичи ја мажат на францускиот двор за Анри, синот на Франсоа I. Откако останува вдовица со 6 деца, советувана од Нострадамус, ја води неуморната битка против француското благородништво, кое ги влече конците на религиските конфликти, користејќи ја борбата меѓу католиците и хугенотите за да ја преземе француската круна.
    К.В.Гортнер ликот на Катерина го претставува преку нејзина лична нарација, внесувајќи го читателот во интимниот свет на една жена која е подготвена на сè за да го заштити престолот за нејзиното
    семејство.
    Од бајковитите замоци, сè до религиските војни и колежите по улиците на Париз, Исповедите на Катерина Медичи претставува извонредно патување низ животот на најозлогласената или погрешно разбраната жена која некогаш била кралица.


  • img-book

    Франција во 1916 година….Софи мора да се грижи за безбедноста на својата фамилија додека нејзиниот љубен сопруг Едуард се бори на фронтот. Нејзе ѝ е наредено да ги служи германските офицери што го посетуваат нејзиниот хотел секоја вечер. Од нивното присуство нејзиниот дом е исполнет со жестока тензија.

    Од моментот кога новодојдениот командант го здогледува портретот на Софи, насликан од Едуард, се раѓа страшна опсесија, која ќе ја натера Софи да донесе мрачна и тешка одлука.
    Речиси еден век подоцна, портретот на Софи е закачен во домот на Лив Халстон, подарок од нејзиниот сопруг пред да почине. Ненадејна случка ги открива вистинската вредност на сликата и нејзината бурна историја. Историјата што ќе биде откриена уште еднаш ќе го преврти наопаку животот на Лив.

    Приказна за две млади жени што живеат во различно време, решени да се борат за она што го сакаат најмногу на светот по секоја цена.
    Храброста и страста на двете главни хероини ќе ви го одземе здивот во оваа несекојдневна љубoвна приказна.

    „Прекрасно, вчудовидувачко, емотивно!“ Паблишерс Викли ќе речат за новата книга на Џоџо Мојес.


  • img-book

    Тарик Али ни ја раскажува приказната за последиците од падот на Гранада, за една потресна семејна сага, за оние кои успеале да го преживеат распадот на нивниот свет. Али е особено вешт во евоцирањето, за тоа каков им бил животот на осудените жители, опколени од сите страни со нетолерантно христијанство.

    „Ова е роман кој има нешто да каже, и тоа на одличен начин.“ – „The Guardian“