0
4. Драми (379)

Последни коментари

Книга на неделата

Убиј го таткото 6  
  • img-book

    Еден ден животните на фармерот Џонс креваат бунт и го прогонуваат земајќи ја судбината во сопствени раце. Превратот е раководен од свињите, самопрогласени за најумни меѓу своите собраќа. По спроведената животинска револуција следува чекор кон она што е својствено за сите револуции – кон тоталитаризмот. Идеалите се претвораат во демагогија, соперниците на власта сурово се отстрануваат, се измислуваат внатрешни непријатели за оправдување на насилството, се спроведува систематска дезинформација и манипулација на мислењето, се фалсификува историјата… Оваа промена на вредностите е блескаво изразена во паролата „Сите животни се еднакви, но некои животни се поеднакви од другите“.

    Напишана во 1944 година, сатиричната антиутопија Животинска фарма била директно вперена против сталинистичкиот режим, но е еднакво важечка за секој систем во кој се поткопува личната слобода. Преведен на над 60 јазици и објавен во милионски тиражи, ова е роман кој никогаш не ја губи својата актуелност.

    „Животинска фарма е мудра, емпатична, беспоштедна и просветлувачка басна за нашето време.“ Њујорк тајмс

    Wishlist
    Животинска фарма од: 199 ден
  • img-book

    Необичните тинејџерски денови на Адам стануваат уште понеобични кога ќе ја запознае Ева и ќе се вљуби во неа. Она што почнува како младешка љубовна приказна одеднаш се преобразува во мистерија кога Адам почнува да сонува чудни соништа, толку силни и живи што не може да ја повлече границата меѓу нив и реалноста. Растргнат меѓу сонот и јавето, Адам сè повеќе се сомнева во својот здрав разум..

    „Соништата на татко ми“ е хибриден роман кој постојано се трансформира – од метафизички трилер до психоаналитичка пародија, и од надреалистички кошмар до семејна сага. Преполн со симболика и алузии, ова е еден од најдобрите романи на еминентниот словенечки писател Евалд Флисар.

    Wishlist
    Соништата на татко ми од: 290 ден
  • img-book

    Ирмина, млада и амбициозна Германка, доаѓа во Лондон кон средината на 30-тите години на минатиот век. Таму го запознава Хауард, студент на Оксфорд кој потекнува од Карипските Острови. Бидејќи и двајцата се туѓинци во Англија, тие се зближуваат, но нивната врска е ненадејно прекината поради политичката ситуација во Германија под власта на Хитлер. Ирмина мора да се врати дома, политичките тензии ескалираат, Втората светска војна наближува…

    Во наградуваниот графички роман „Ирмина“, Барбара Јелин ја прикажува драмата што се создава кога човек мора да избере меѓу личниот интегритет и општествениот статус. Заснован на вистинска приказна, овој роман е еден од ретките прикази на нацизмот преку светогледот и искуствата на Германките од втората половина на XX век.

    Wishlist
    Ирмина од: 525 ден
  • img-book
    Секој има потреба од својата мајка, без разлика кој е и колку години има…
    Парк Со-нјо, мајка на пет возрасни деца, доаѓа во Сеул да ги посети. Но, на преполната железничка станица, ѝ се губи секаква трага. Од перспектива на ќерката, најстариот син, сопругот, но и самата Со-нјо, ја разоткриваме сложеноста на меѓучовечките односи и ја запознаваме жената што целото свое постоење, без оглед на скриените желби и копнежи, се посветила само на децата. Четири приказни и четири перспективи – загуба, бес, вина и жртвување – ни откриваат вител од чувства што испливуваат по таинственото исчезнување на една мајка и жена. Но, ова не е приказна за една мајка, туку за многу мајки што повеќе се „наши“ одошто „свои“, за жените чиј живот се крунисува кога семејните нишки се олабавуваат, а децата тргнуваат по своите патишта.
    Некои книги имаат моќ да нѐ менуваат, да го променат начинот на кој се доживуваме себеси и начинот на кој се однесуваме кон најблиските. „Те молам, внимавај на мама“ е една од тие книги. Таа може да ни послужи како опомена дека важните личности во нашиот живот не треба да ги земаме здраво за готово, таа предизвикува дури и непријатни спомени, вина и тага, не стресува до срж. Оваа книга претставува праг: кога еднаш ќе го поминеме, веќе нема да бидеме исти.
    Wishlist
    Те молам, внимавај на мама од: 350 ден
  • img-book

    Катерин и Зои се сестри, но карактерно многу различни. Кетрин е смирена и одговорна, а Зои страсна и бунтовна. Никој нема да се изненади кога Зои ќе остане бремена, ќе го напушти училиштето и ќе стане зависник од дрога.

    Една ноќ Катерин добива повика од ќерката на Зои, Вилоу, која е преплашена и` соопштува на својата тетка дека мајка и` ја оставила на автобуската станица и исчезнала. Катерин, која не може да има деца, со задоволство прифаќа да ја подигне Вилоу како своја ќерка.

    Пет години подоцна…
    Една серија на неочекувани настани ќе го шокираат семејството и трите генерации на жени.

    Wishlist
    Пристаништето Нова надеж од: 450 ден
  • img-book

    Романот „Неопходни лаги” ќе Ви го украде срцето.

    Книгата, која е напишана за храброста која е потребна да бидеш оној кој што треба, дури и тогаш кога општеството ти налага поинаку, е полн со откритија – како и за читачот, така и за двете храбри протагонисти. Да Ве предупредам – романот ќе Ви го украде времето потребно за други обврски – кога ќе започнете да го читате, ништо друго нема да Ви биде поважно од тоа да стигнете до крајот, од кој срцето ќе Ви затрепери.

    Wishlist
    Неопходни лаги од: 390 ден
  • img-book

    „Преправај се и танцувај“ е приказна за вистината на едно семејството, нивните лаги и неверојатна комбинација на двете.
    Моли Арнет е многу добра во чување тајни, но…Таа и нејзиниот сопруг се надеваат дека наскоро ќе посвојат бебе. Но, постапката ја застрашува. Моли е загрижена дека вистината што таа ја чувала скриена за нејзиното детство ќе се открие и ќе ја уништи не само нејзината шанса за посвојување туку и нејзиниот брак.

    Додека се обидува да најде начин да се смири со своето минато и да ја прифати иднината исполнета со ветувања, открива дека таа дури и не ја знае вистината за тоа што всушност се случило во нејиното семејство.

    Wishlist
    Преправај се и танцувај од: 420 ден
  • img-book

    Една грешка, една судбоносна вечер, и животот на Тес де Мело ќе се смени засекогаш…

    1944 година – бремена, сама и преполна со вина, дваесет и тригодишната Тес де Мело не можејќи да живее во лага, одеднаш ќе се откаже од нејзината идна кариера како медицинска сестра и ќе стави крај на свршувачката со љубовта на нејзиниот живот. Таа ќе отиде да побара помош од таткото на нејзиното дете и ќе се согласи да се омажи со него, преселувајќи се во еден мал и рурален град, Хикори, во Северна Каролина. Новиот сопруг на Тес, Хенри Крафт, е човек со многу тајни. Тој често не спие дома, крие пари од неговата сопруга, и не покажува никакви чувства кон неа. Тес брзо ќе сфати дека е во замка и во брак без љубов од кој нема излез.
    Кога во Хикори, одеднаш, ќе се појави вирусот полио,граѓаните ќе изградат болница. Тес знае дека е потребна, и покрај желбите на Хенри таа ќе работи таму. Таа ќе се пронајде во работата и ќе чувствува дека прави нешто значајно. А, сепак, однесувањето на Хенри ќе стане алармантно. Тес се бори да ги спаси животите на своите пациенти и се обидува да ја дознае вистината за нејзиниот сопруг и што се крие зад неговото однесување.
    Таа се обидува да ја најде љубовта на нејзиниот живот и дали ѝ е судено да биде со него?

    Wishlist
    Украдениот брак од: 450 ден
  • img-book

    Некои приказни живеат засекогаш…

    Сејџ Сингер се спријателува со еден старец, омилен во заедницата – пензиониран наставник и тренер во јуниорската бејзбол лига. Нивното пријателство започнува во пекарницата во која работи Сејџ. Еден ден тој ја замолува за услуга: да го убие! Таа е шокирана и одбива… И тогаш започнува исповедта на неговите најмрачни тајни – тој навистина заслужува да умре… Што да се прави кога злото е во соседството? Треба ли да се понуди прошка?

    И најтешкото прашање: се работи ли за убиство или за правда?

    Wishlist
    Раскажувачката од: 600 ден
  • img-book

    Ричард е концертен пијанист со светска слава, кој добива стоечки овации низ салите ширум светот. Секој негов прст од дланките е прецизно наштиман инструмент, што танцува по клавијатурата и ја погодува секоја до последната нота со истата прецизност.

    Но, сега на Ричард му е дијагностицирана АЛС и целата негова десна рака е парализирана. Загубата на дланката е како смрт, како загубена вистинска љубов, како развод – неговиот развод. Знае дека следно е загубата на левата рака, а потоа и другите делови на телото ќе ги губи, еден по еден…

    Карина, пак, неговата поранешна сопруга, е парализирана од оправдувања и страв, заглавена во нејзиниот неисполнет живот како учителка по пијано, исплашена да тргне по патот што го напуштила во младоста. По игра на случајноста, не сакајќи таа станува негова негувателка…

    Потресна и моќна, „До последна нота“ е мајсторско истражување на искупувањето и на она што значи да се пронајде сопствениот мир во проштавањето.

    Wishlist
    До последна нота од: 380 ден
  • img-book

    Рој направил сè како што треба. Израснат во работничко семејство од Луизијана, се изборил за школарина во колеџот Морхаус. Кога се оженил со Селестијал, таа веќе напредувала во својата уметничка кариера. И тогаш, Рој е уапсен за дело што не го извршил. Од затворот во Луизијана, со сопругата разменуваат писма. Во меѓувреме, Селестијал ја обновува врската со стариот пријател Андре…

    „Американски брак“ е приказна за афро-американски брачен пар чиј живот темелно се менува кога сопругот невин завршува во затвор. Приказна за неправичноста на општеството кон афро-американците и мноштвото познати и непознати импликации на таа неправичност. Книгата е препорачана од Опра Винфри и Барак Обама.

    Wishlist
    Американски брак од: 420 ден
  • img-book

    РОМАН СПОРЕД КОЈ Е СНИМЕНА СЛАВНАТА ТЕЛЕВИЗИСКА ХИТ СЕРИЈА
    Меги е ќерка на сиромашни доселеници од Австралија. Уште од мала, таа е запоставена од нејзините родители и постојано живее по религиозните и патријархални правила на нејзината фамилија и стегите што ги наметнува гратчето и огромниот имот Дрогхед.
    Ралф е млад, убав и речиси совршен свештеник што назначувањето во Австралија во почетокот го доживува како казна. Имено, неговите силни свештенички амбиции се насочени на друга страна, кон таинствениот Ватикан. Уште од првиот момент кога ќе ја запознае десетгодишната Меги, таа му станува многу мила и постојано е нејзин заштитник. По неколку години, една вечер, кога погледите ќе им се сретнат, сега веќе преубавата тинејџерка Меги, ќе пробуди чувства кај Ралф, чувства какви што тој никогаш немал, а и не ни знаел дека ги има. Од тој момент, Ралф е во вечно искушение дали тој е совршен свештеник и има неограничена љубов кон Бога, или сепак постои жена, на чиј мирис, убавина и нежност не може да им одолее.
    Дејствието опфаќа повеќе од половина век – двете светски војни и постапките на Ватикан. Тука се судбините на неколку генерации. Оваа љубовна и семејна сага сведочи и за сушите, пожарите и поплавите кои се заканувале со целосно уништување на имотите во Нов Зеланд.
    „Волшебна сторија… едноставна, неповторлива!“
    – Чикаго Трибјун
    „Преплетувањето на љубовни приказни од една генерација во друга, драматичниот заплет, чувството на постојана напнатост, реалните ликови… се во најмала рака неодоливи.“
    – Паблишерс викли

    Wishlist
    Птиците умираат пеејќи од: 600 ден
  • img-book

    Во Копилето од Истанбул, Елиф Шафак, една од најистакнатите современи турски писателки, го отсликува турбулентното минато на својата земја во јасна и сликовита приказна што се одвива во Турција и во Америка.
    Централното место го има „копилето“ од насловот, Асја, деветнаесетгодишна девојка што ги обожава Џони Кеш и француските егзистенцијалисти, и четирите сестри во фамилијата Казанџи што живеат под ист покрив во Истанбул: Зелиха, мајката на Асја, бунтовната и своеглава најмала сестра што држи салон за тетовирање; Бану, која неодамна ја открила „гатачката“ во себе; Џеврие, вдовица и наставничка по национална историја; и Фериде, хипохондрик опседната со неизбежни катастрофи; нивната строга мајка, и нивната баба што тоне во заборавот на Алцхајмеровата болест.
    Нивниот единствен отуѓен брат живее во Аризона со жена си и нејзината ќерка Армануш, Ерменка по татко. Армануш тајно лета во Истанбул во потрага по сопствениот идентитет и остатоците на тешкото семејно минато, и бргу се спријателува со Асја. Со доза на мистицизам, се расветлува долго чуваната тајна што ги поврзува овие две фамилии уште во далечната 1915 година.
    Полна со живописни незаборавни ликови, Копилето од Истанбул е храбра, моќна приказна што ја вивна Шафак на врвот на светската книжевна сцена.

    Wishlist
    Копилето од Истанбул од: 400 ден
  • img-book

    На пат кон една луксузна палата на вечера со истанбулската елита, на триесет и петгодишната Пери чантата ѝ ја краде еден питач. Во борбата да си ја врати, но и да си го спаси животот, на земја ѝ паѓа една фотографија – три студентки со својот професор ‒ реликвија од минатото, но и непребол што очајно се обидува да го заборави.

    Додека градот го тресат терористички напади, во Пери навираат живи спомени од идиличното детство со нејзиниот мистичен придружник, и од студентските денови на Оксфорд, кога првпат го напушта родниот град. Си спомнува на двете најверни другарки од сликата, бунтовната Иранка Ширин и набожната Египќанка Мона и нивните конфликти за идентитетот, религијата и феминизмот, но и на харизматичниот професор Азур, чиј контроверзен предмет ги преобразува животите на студентите. Како што се стеснува обрачот на тероризмот, Пери е принудена да се соочи со болниот спомен од детството и најпосле – со оксфордскиот скандал што неповратно ги раскинува сите врски меѓу нив…

    „Длабок и незаборавен роман што поврзува различни светови, гледишта и можности.“ Сандеј тајмс

    Wishlist
    Трите ќерки на Ева од: 500 ден
  • img-book

    Писмото што останува непрочитано во џебот на едно палто е причина за едно долго патување кон секој изминат и иден миг од животот. Сто и осум жолти ливчиња со непромен- ливата порака: Разбуди ме. Страниците од дневникот, испишани во потрагата по себе, се единствената нишка во лавиринтот на љубовта и неверството. Митови што еманираат од нашето најсекојдневно постоење. Доброволни прогонства и разделби ни ги отвораат портите кон вечно живите детства. Мириси што можат да ги разбудат најскриените агонии на животот, секогаш еден чекор пред нас. Како можеме да го најдеме она што ниту сме знаеле дека воопшто ни припаѓа. Противречноста на очекувањето. Да проникнеш во човекот е исто како тој да се роди повторно. Дали тоа, што еднаш суштински се скинало, може совршено да зацели?

    Најновиот роман на Винка Саздова, Полиња со диви нарциси, е необична приказна за едно неверство. Особено восхитуваат веќе докажаното мајсторство во монтажата на нарацијата и суптилната инверзија во која ни се откриваат ликовите. Староста преку младоста, минатото преку иднината. И едното и другото судбински вкрстени во вечното сега.

    Wishlist
    Полиња со диви нарциси од: 250 ден
  • img-book

    Од далеку ли доаѓате?, ме прашува.
    – Не од блиску, од многу блиску.
    Сомничаво ја ниша главата. Со авион не се доаѓа од близу, сака да каже, ама премолчува.
    – Долго ли бевте на пат?
    – Не бев на пат.
    – Туку… – Бев дома.
    – А сега, кај одите?
    – Дома.
    – Ништо не разбирам, вели подналутено и гласно ја пушта музиката.

    Спакувај се и замини! Каде? Што е можно подалеку. Зошто? За да дознаеш. Што? Не прашувај. Одважи се и тргни! Можеш ли!? Ако може жената од Последниот чај можеш и ти. Препушти ѝ се да те одведе до Тара, Елена, Савита, Џиду, Тарун, Самир… до самиот тебе. Последниот чај ги отвора нашите сопствени приказни. Нè охрабрува да се соочиме со нив и да ги прифатиме такви какви што се, убави или грди, сеедно.

    Ова е роман во кој понекогаш и една единствена реченица е голема приказна врз која се останува долго време. Толку долго колку што е потребно таа да се спои со личната приказна на оној што ја чита. Сочувствителен. Љубовен. Нежен, а цврст. Меко што зборува за груби болки и вистини, покажувајќи како се исцелуваат и претвораат во спокојство.

    Wishlist
    Последниот чај од: 250 ден