0
4. Драми (379)

Последни коментари

Книга на неделата

Убиј го таткото 6  
  • img-book

    ОД ИСТАНБУЛ И МАЈСЕЈ, АНКАРА И КАИРО ПА СЕ ДО ПАРИЗ И БЕРЛИН, ОВА Е ПРИКАЗНА ЗА ЉУБОВТА И БЕГСТВОТО, ИСПРЕПЛЕТЕНА СО ИСТОРИЈАТА НА ЕДЕН ОД НАЈРАЗБРАНУВАНИТЕ ПЕРИОДИ ВО ЕВРОПА…. ,, Кога Селва, ќерката на еден од малубројните преостанати отомански паши, се вљуби во Рафаел, младиот Евреин, нејзиното семејство му се противи на бракот и ја отфрла. Решени да започнат нов живот, Селва и Рафаел заминуваат за Франција, меѓутоа, среќата и таму им го врти грбот.Почнува Втората светска војна, а младите љубовници ќе бидат вовлечени во ужасите на Хитлеровата идеологија. Додека нацистичката мрежа се стега околу нив, тие живеат во постојан страв дека ќе бидат фатени и испратени во концентрационен логор. Во исто време Турција и очајнички се обидува да избегне да биде вовлечена во војната, внимателно балансирајќи меѓу силите на Оската и Сојузниците….” Проткаена со волшебните мириси на Истанбул и мистичната атмосфера на Истокот, ова е приказна посветена на сите обични луѓе, неопеани херои кој заради идеалите ги ризикуваа животите.

    Wishlist
    Последниот воз за Истанбул од: 220 ден
  • img-book

    Ова е книга која вреди секој да ја има во својата домашна библиотека за да може да посегне по неа секогаш кога ќе почувствува дека губи дел од човечното во себе…

    Може да ја чита буквално секој читател од најрана, па до најстара возраст. Дел од приказните се посложени и потешки, приказни во кои ќе најде поука и најголемиот мислител, а дел се прилично едноставни, како да ги слушате од дете, но сепак длабоки и силни, како да ги раскажува најголемиот мудрец на светот.

    Во тешкото и искушувачко време во кое живееме, навистина е лесно човек да се изгуби и да заборави на вистинските вредности во животот. Оваа книга е вистинска врска со човечното, потсетник за она што е важно во животот и дека она што го даваме – тоа и ни се враќа.

    Совет: имајте шамиче во близина кога ќе ја читате оваа книга. Да, длабоко вистинити, страшно тешки и сериозно блиски до секој од нас, овие приказни имаат голема моќ да изнудат солза и од најсилните…

    Wishlist
    5 out of 5
    Секој има своја приказна од: 320 ден

    Проверете подоцна.
  • img-book

    Неверојатна приказна за страдањето и преживувањето на еден затвореник во Аушвиц, интернационален бестселер и единствената книга целосно напишана во логорот.

    Еди де Винд, холандски лекар и психијатар, бил испратен во Аушвиц со својата сопруга Фридел во 1943 година. Тие го поминале бруталниот процес на селекција и биле работно ангажирани. Секој ден, секоја минута станале битка за опстанок. За Еди, ова значело преговори со непредвидливите чувари во болничкиот блок. За Фридел тоа значело избегнување на нацистичките варварски експерименти.

    Како што се приближувал крајот на војната, нацистите избегале, водејќи со себе многу затвореници. Еди се скрил под куп стара облека и останал во логорот.

    Наоѓајќи бележник и молив, тој во наплив на инспирација почнал да пишува за своите искуства. Резултатот е „Последна станица Аушвиц“, извонредна приказна за животот како затвореник, запис за борбата за преживување, но и за треперливите моменти на радост што Еди и Фридел ги наоѓале еден во друг. Документирајќи ги најдоброто и најлошото од човештвото, ова е уникатна и безвременска приказна што нè потсетува на она за што сме способни како луѓе, но и дека има надеж дури и во пеколот.

    Wishlist
    Последна станица Аушвиц од: 350 ден
  • img-book

    Читателите за романот „Заробено срце“

    Љубов на прв поглед! Вистинска магија: желби, очекување, страдање, возбуда, сон или јаве. Сето тоа убаво спакувано во приказна која не може, а да не ги разбранува емоциите кај читателот кој ќе биде дел од секој збор, секоја реченица, секоја страница… Романот го прочитав во еден здив..го препрочитав повеќе пати.Како да сум дел од секој збор, мисла..од секоја реченица, од секоја страница..од почеток до крај.Овој роман е посветен на љубовта..преполн со емоции , солзи, мечти, среќа, тага, радост, нежност, возбуда и повторно љубов…љубовта кон саканиот, љубовта кон семејството и кон пријателите. Овој роман е скапоцен дар за читателите како и сите досегашни. Ви Благодарам за можноста да бидам меѓу првите читатели а уште повеќе што Ве имам за пријател..Вие сте човек со големо срце и сите свои емоции ги претварате во прекрасни романи кои не по-тсетуваат на човечките вредности. Со големо задоволство ги имам прочитано Вашите досегашни книги, а новите ги чекам со нетрпение
    Славица Трајановска Величковиќ, лекар

    Книга од животот во кој во некој сегмент секој ќе се пронајде себе си, тогаш ќе свати дека животот не е сон туку реалност. Лесна и примамлива книга која те „заробува“ да ја прочиташ без одложување.
    Анета Велкоска, одд. наставник

    Книгата нуди еден широк спектар на настани кои се нижат низ времето, на животот кој продолжува по неговиот тек. Некогаш бавно, некогаш побрзо, дури драматично, минува и оди во неповрат, без реприза…Секоја страница е нов предизвик, ново случување, ново исчекување за читатаелот, за на крај да биде како во народната „КРАЈОТ ДЕЛОТО ГО КРАСИ“.
    Билјана Наумоска, фармацевт

    Wishlist
    Заробено срце од: 300 ден
  • img-book

    Хуана од Кастилија,
    последната кралица со чиста шпанска крв што го наследи престолот на својата земја,
    со векови е енигматична фигура обвиткана со неверојатна мистериозност.
    Дали таа беше вдовица, како што вели легендата, која беше полудена од нејзината загуба,
    или историјата погрешно ја проценила жената што била пред своето време?

    Како трето дете на Изабела I, кралицата на Кастилија и Фернандо, кралот на Арагон, Хуана ќе се роди во услови на безмилосна борба на нејзините родители за обединување на нивното кралство, сведочејќи за падот на Гранада и откритијата на Колумбо. На возраст од шеснаесет години, таа е испратена да се омажи за Филип, надвојводата на Фландрија, како дел од стратегијата на нејзините родители за зајакнување на Шпанија, исто како што нејзината најмлада сестра, Каталина од Арагон, е испратена во Англија да стане прва сопруга на Хенри VIII.

    Хуана наоѓа неочекувана љубов и страст со својот убав млад сопруг, единствениот наследник на Хабсбуршката Империја. На почетокот таа била задоволна со своите деца и животот во Фландрија. Но, кога ќе се случи трагедијата и таа ќе го наследи шпанскиот престол, Хуана ќе се најде помеѓу бескрупулозната борба за моќ на нејзиниот сопруг и ветувањето што ѝ го дава на мајка ѝ Изабела I, не изоставувајќи го и мешањето на најголемите европски монарси. Опколена со непријатели од сите страни, нејзината интелигенција и гордост се искористени како оружје против неа, Хуана ветува дека ќе ја обезбеди круната и ќе ја спаси Шпанија од пропаст, дури и по цена тоа да ја чини сè.

    Wishlist
    Последната кралица од: 550 ден
  • img-book

    Уште како мала, Амината ја киднапираа и ја качија на бродот со робови. Таа мора да ги слуша наредбите за да го сочува својот живот. А и што им преостанува на црнците качени на овој ужасен брод. Среде океан далеку од својот дом. Откако пристигнаа на копното, Амината ја продадоа на друг газда. Се раздели од момчето од соседното село со кое ги делеа нечовечните мигови на бродот. Ама и не е така важно. Она што сега е значајно е успешно да му служи на белиот Американец што сега ја поседува. Сепак Амината е непоколеблива и постојано ја следи желбата еден ден да се врати дома. Во Африка. Моментот кога повторно го сретнува Чакура, момчето од бродот, засекогаш ќе и го промени животот. Сега веќе пораснати, заедно ќе се борат да го променат светот. За време на нејзиното долго страдање, таа прави сè што може да се ослободи себеси и останатите од ропство. Притоа ги учи да читаат и тие да ги поучуваат другите, и да се спријателуваат со секој што може да им помогне, без разлика на бојата на кожата. Инспиративна приказна за една силна жена, што ги доживува едни од најтешките услови за живот низ историјата. Вознемирувачки и длабок роман, напишан по вистинска приказна по кој е снимена познатата телевизиска серија, што под наслов „Книгата на црнците“ се прикажуваше на Нетфликс.

    Wishlist
    Некој ми го знае името од: 300 ден
  • img-book

    Трогателна семејна приказна, која низ личните трагедии и победи прикажува поголема слика за последните моменти на големото османлиско царство и за подемот на републиката. Османлиската Империја ги одбројува последните денови, а високиот државен функционер Аџмед Рашат се обидува да го собере и зачува семејството во окупираниот Истамбул. Присилен да оди по тенката линија на судбината, Ахмед е растргнат меѓу лојалноста што му ја должи на султанот и потребата да им помогне на воените единици од Анатолија, предводени од харизматичниот генерал Мустафа Кемал, кои јуначки му даваат отпор на окупаторот. Додека опсадата и оковите на зимата се повеќе го притискаат Истанбул, во куќата на министерот Решат судбината, сепак, продолжува да ги исцрпува своите необични патишта- и покрај сите проблеми ќе процвета невозможна љубов и ќе покаже дека дури и во најнапнатите моменти на историските превирања животот не може да чека… Ајше Кулин раскажува за едно навидум обично семејство во Истанбул во клучен историски момент- низ нивните подеми и падови, надеж и очај, љубов и несреќа, гледаме како полека исчезнува една цела култура, а на нејзино место доаѓа ново време, кое со себе носи поинакви вредности и нови генерации.

    Wishlist
    Збогум од: 220 ден
  • img-book

    Во далечините на степата по долниот тек на Волга уште во осумнаесеттиот век се населиле Германци. Годината е 1916, а Јакоб Бах е руски Германец што работи како учител во малото село Гнадентал. Тој одамна се повлекол од светот, се грижи за својата единствена ќерка Анче на осамен селски имот и пишува волшебни приказни што на чудесен и трагичен начин се остваруваат во стварноста.

    Но животот одеднаш му се променува кога ќе се вљуби во Клара, ќерка на селанец од другиот брег на Волга. Нивната љубов не може да им избега на настаните што со себе ги носат револуцијата и основањето на Германската република на Волга.

    Книга во која се прикажани и љубовта, и смртта, и историјата, и политиката, и војната, и создавањето… Книга во која магичниот реализам се среќава со суровата руска реалност, на бреговите на моќната река Волга, но и пошироко.

    Ова е вториот и долгоочекуван роман на Гузел Јахина, најфалената дебитантка во поновата историја на руската литература.

    Wishlist
    Децата на Волга од: 500 ден
  • img-book

    Луѓето го гледаат само тоа што сакаат да го видат.

    Оливија Шо, уредничка на едно од најугледните списанија за храна во Америка, одеднаш дознава дека наследила стар англиски имот и титула. Соочена со смртта на својата сакана мајка, 38-годишната Оливија одеднаш станува грофица обременета од товарот на своите предци, но и на многу мрачни тајни скриени во напуштениот замок.

    Вознемирена од сознанието дека мајка ѝ криела нешто толку големо од неа, го напушта Сан Франциско и заминува во потрага по одговори.

    Само еден поглед кон дворецот Роузмер ќе ѝ биде доволен да сфати дека мајка ѝ со години го сликала на своите платна. Но зошто никогаш не ѝ кажала за својот дом и за причините зошто го напуштила? Слој по слој, Оливија го ослободува минатото од превезот на тајните скриени во дворецот што пропаѓа и во неговите величествени градини. Иако нејзиниот стар живот ја чека да се врати, таа полека се вљубува во англиското село и неговите жители и ја прифаќа новата љубов…

    Прекрасен стил, воодушевувачки ликови, романса, интриги и многу изненадувања кои ќе ги поттикнат читателите на неизвесни претпоставки до самиот крај.

    Киркус ривју

    Wishlist
    УМЕТНОСТА НА НАСЛЕДУВАЊЕ ТАЈНИ од: 500 ден
  • img-book

    Орхан Памук е можеби најпознатиот современ турски писател, добитник на Нобеловата награда за литература во 2006 година. Неговите дела се занимаваат со соочувањата помеѓу Истокот и Западот, со проблемите на уметноста и на идентитетот, а честопати се споредувани со оние на Џојс, Набоков и Маркес.

    При крајот на XX век, во град близу Истанбул, мајсторот Махмут и неговиот чирак Џем копаат бунар на едно навидум пусто и суво место. Мачејќи се да стигнат до скапоцената вода – што ќе го „разбуди“ местото и ќе ја поттурне економијата – тие развиваат длабок однос: Махмут го пронаоѓа синот што никогаш го немал, а Џем таткото што го напуштил. Во меѓувреме, на сцена стапува жената со црвена коса, а во Онгорен се случува страшна и голема несреќа, несреќа што ќе остави длабока траума во животот на момчето.

    „Жената со црвена коса“ е комплексен роман во кој се испреплетуваат политиката и психологијата, книжевноста и стварноста, Западот и Истокот. Приказна преокупирана со таткоубиството и Цар Едип на Софокле; но, исто така, и приказна за синоубиството, за Рустем и Сухраб, раскажана во епот „Шахнаме“ на персискиот поет Фирдуси. Роман што уште еднаш ја потврдува комплексноста и сериозноста на Орхан Памук.

    Wishlist
    Жената со црвена коса од: 390 ден
  • img-book

    Елена и Лила, двете нераздвојни девојчиња од првиот и од вториот роман од сагата, се разделуваат на возраст на триесетина година, кога едната заминува во Фиренца, а другата останува во Неапол. Иако изборот на двете млади жени е сосем различен, тие остануваат постојано во близок контакт, во еден амбивалентен однос создаден од љубов и омраза. И повторно околностите ќе ги зближуваат и оддалечувааат во текот на бурните 70-ти години од минатиот век.

    Приказна за оние што заминуваат и за оние што остануваат има историска и интимна димензија која се одвива во текот на десет години пресудни за Италија, земја во трансформација која чекори кон модерност. Тоа е период на идеолошки превирања во италијанското општество – свет на револуционери, реакционери, студенти, камористи, комунисти, неофашисти, црква, синдикат, гнил владејачки естаблишмент, но и свет кој отвора сосема нови можности и за Елена и Лила.

    Ова е секако книга која не може да се заобиколи. Секој што ја цени моќта на пишаниот збор уште веднаш, по првите страници, ќе се увери дека не се испушта од рака додека не се прочита до крај.

    Wishlist
    Приказна за оние што заминуваат и за оние што остануваат од: 600 ден
  • img-book

    Неверојатен, мрачен, комичен роман за една богата вдовица и нејзиниот син кои бегаат во Париз по финансискиот распад што го доживуваат во Њујорк

    Франсес Прајс, вдовица, посесивна мајка и познат лик меѓу богатите во Апер Ист Сајд, се наоѓа во незавидна положба – таа и нејзиниот возрасен син, Малком, се пред банкрот. Принуден да ја дели нивната судбина е и стариот мачор, Малиот Френк, во чие тело Франсес верува дека живее духот на нејзиниот покоен сопруг, озлогласениот и неморален адвокат Френклин Прајс.
    Франсес и Малком одлучуваат да се преселат во Париз, оставајќи ги сиромаштијата и отпадништвото зад себе. Но наместо да најдат оддишка, таму уште повеќе доаѓаат до израз нивните самоуништувачки нагони. Група невообичаени ликови служат да ја истакнат пораката на книгата – срамежливиот приватен детектив, јасновитката без животна цел, семејниот лекар и продавачот на вино. Без поздрав е невообичаена „трагедија на манири“, која изобилува со елементи на пародија. Само Патрик Девит успева толку мајсторски да го исмее високиот сталеж и трогателниот однос меѓу мајката и синот.

    „Модерна приказна, сатира за една безгрижна вдовица која трага по совршеното себежртвување… Додека ја читаме книгата, веселиот и опуштен надреализам на Девит прави да ја доживееме како жизнерадосна луда приказна, исто како и нејзините ликови.“
    Њујоркер

    Wishlist
    Без поздрав од: 400 ден
  • img-book

    Добитник на Европската награда за литература

    Потпалувачи е приказна за двајца татковци од Белфаст во време на големи социјални немири. Додека градот е во пламен, а властите ја губат контролата, Џонатан и Семи се соочуваат со своите лични демони.

    За Џонатан, тоа е момент кога може да го преобрази својот повлечен живот и да ги прифати можностите да се поврзе со луѓето. Како самохран родител на штотуку родена ќерка, дилемата со која треба да се избори е дали да дозволи љубовта кон детето да го попречи фактот дека тоа ги има наследено карактеристиките од мајка си, сирена.

    Проблемот на Семи е што неговиот пораснат син ги има сите убиствени особини што и самиот ги поседувал како млад. Семи е убеден дека токму тој е предводник на подметнувањето пожари. Треба ли да го пријави сопствениот син во полиција?

    Кога нивните патишта ќе се вкрстат и кога границите помеѓу фантазијата и вистината се замаглуваат, кого овие двајца татковци ќе изберат да заштитат?

    Поттикнувачка и возбудливо оригинална, оваа приказна за суровата семејна љубов и жртвувањето е преполна со магија.

    „Спектакуларна. Силно реална, лудо магична и примамлива.“ – Донал Рајан.

    „Волшебно, интелигентно и храбро.“ – Ајриш тајмс

    Wishlist
    Потпалувачи од: 350 ден
  • img-book

    Една романсиерка учествува во телевизиска емисија по повод објавувањето на нејзината прва книга. Таа не се сомнева дека нејзината слика на екранот ќе вознемири еден од телевизиските гледачи вработен како градинар во градот Ножан-Ле-Ротру. Откако ја отслужил својата казна за злосторство што го извршил пред 30 години, тој сега води мирен живот. Но неочекувано, повторно ќе мора да се соочи со сопствените избори и грешки. Зашто романсиерката е ќерка на неговата жртва и за пет дена ќе дојде во локалната книжарница за да ја промовира својата книга.

    Во напната и мачна атмосфера, додека го чека соочувањето со личноста од која се плаши но од која не може да избега, за овој осамен човек почнува одбројувањето…

    Приказна во која секој лик е во потрага по емоционално закрепнување, откако ќе ја прифати одговорноста за своите постапки. Роман за верноста во потрагата по вистината, поттикната од желбата и потребата да им простиме на другите – но и себеси.

    Wishlist
    На големото корито од: 300 ден
  • img-book

    Две сестри близначки се раѓаат во едно традиционално курдско село, во кое најголемиот чеиз на жената се нејзината чистота и покорност. Животот ги носи по различни патишта – Џамила останува бабица во родниот крај, а Пембе „по грешка“ се мажи за да го види светот. Нејзините деца го бараат своето место под лондонското сонце: седумгодишниот Јунус се здружува со панкерите сквотери, бунтовната Есма се бори против родовата нееднаквост, а најстариот Искендер станува глава на семејството откако татко им ги напушта. Заробено во стегите на минатото и традицијата, целото семејство е неповратно урнисано поради едно морничаво злосторство – убиство од чест.
    Возбудлива драма исткаена од бремето на минатото и безвремените морални дилеми. Низ богатата палета од ликови, Шафак ги истражува судирот меѓу традицијата и современоста, другоста во западното општество, како и човековото право на слобода и љубов.

    „Мајсторски исткаен роман… со шекспировски заплети и пресврти, кобни знаци и енигми, пророштва и судбини“. Индипендент

    „Шафак е храбра писателка… Ова е моќен роман… што провокативно ги разоткрива најмрачните аспекти на верата и љубовта“. Телеграф

    Елиф Шафак- Најмоќниот женски глас на светската книжевна сцена

    Нема доволно зборови и место за да се каже сè што може за оваа современа турска авторка. За нејзината големина и важност најдобро зборуваат нејзините дела. Преведени на повеќе од 40 светски јазици, македонската публика ја има честа да ја држи в рака третата нејзина книга на македонски. Силни женски ликови, црн хумор, космополитизам и мултикултурализам, преплетување на Истокот и Западот, се само некои од карактеристиките на нејзиното писмо.

    Wishlist
    Чест од: 450 ден
  • img-book

    Живописна, незаборавна приказна за едно тешкозамисливо сестринско поврзување – емоционално моќна и незаборавна сага за пријателството, сторија што фрла светлина врз маките на жената во една традиционална култура, од авторката на бестселерите „Бисерот што ја скрши школката’ и „Кога месечината е ниско“.
    Цели две децении Зеба била сопруга полна со љубов, стрплива мајка, мирна селанка. Но, нејзиниот тивок живот се урива кога нејзиниот сопруг Камал е пронајден убиен со секира во дворот од нивната куќа. Речиси сосема одземена од шокираност, Зеба не е во состојба да каже каде била и што правела во моментот на неговата смрт. Нејзините деца се колнат дека е невозможно мајка им да извршила таков морничав чин. Семејството на Камал е сигурно дека таа го сторила тоа и бара правда. Зеба за малку избегнува да биде линчувана од одмаздничката толпа, уапсена е и однесена в затвор.
    Додека чека судење, Зеба запознава група жени, чијашто несреќна судбина ги донела во овие мрачни ќелии: 18-годишната Нафиса, затворена за да биде заштитена од крвна одмазда; 25-годишната Латифа, која како тинејџерка избегала од дома, но уште останува во затворот бидејќи тука наоѓа безбедно засолниште; 22-годишната Мезган, бремена и немажена, која чека судот со налог да го присили нејзиниот љубовник да се ожени за неа. Ладнокрвен убиец ли е Зеба, се прашуваат младиве жени, или, како и тие, е фрлена в затвор зашто прекршила некое правило на општеството? Затворот за овие жени истовремено е и прибежиште, и казна; тргнати настрана од надворешниот суров свет што не простува, тие меѓусебно се поврзуваат во жива и неуништлива сестринска врска.
    Во овој затворен свет доаѓа Јусуф, адвокатот на Зеба, млад Авганистанец роден овде, а пораснат во Америка, кој се вратил поради личната посветеност кон борбата за човекови права и поради желбата да ѝ помогне на својата родна земја. Судбината на оваа навидум сосема обична домаќинка е во негови раце, а тој открива дека, како и самиот Авганистан, неговата клиентка, можеби, воопшто не е тоа што тој замислува дека е.
    Трогателен приказ на животот на авганистанските жени во денешно време, Куќа без прозорци е неверојатно, застрашувачко и триумфално четиво.

    Wishlist
    Куќа без прозорци од: 499 ден