0
4. Драми (379)

Последни коментари

Книга на неделата

Убиј го таткото 6  
  • img-book

    Таа секој миг може да исчезне не кажувајќи збогум.

    Рикардо е опсесивно вљубен во една необична девојка која постојано исчезнува и ненадејно се појавува. Луд по неа уште од тинејџерските години, влегува во еден маѓепсан круг од кој не сака да излезе. Како и да се појави, како жена на француски дипломат, како љубовница на мистериозен јапонски бизнисмен или како сопруга на богат Англичанец, Рикардо жедно ја прифаќа поканата на неодоливата измамничка.

    Ќе дознае ли некогаш која е таа навистина? Тешко прашање, исто како и дилемите околу идентитетот, и личниот и националниот. Сите ликови расфрлени низ светот како семиња на ветер, опседнати со своите амбиции и желби, се луѓе кои се борат за своите идеали, подготвени да го сменат својот идентитет како да облекуваат нов костум.

    Во својот обичен живот во саканиот Париз, во свет на лаги и брзи промени, Рикардо не престанува да го очекува враќањето на своето лошо девојче. Ќе паднат ли на крај маските и ќе се открие ли вистинското лице на љубовта?

    „Приказна која опфаќа децении и континенти, раскажана со таква умешност што се граничи со вешто премостување на личното и универзалното.“

    Сан Франциско кроникал

    Wishlist
    Авантурите на лошото девојче од: 500 ден
  • img-book

    Му должиш на детето во тебе да се бориш за неговите соништа, му вети, се сеќаваш?

    Понекогаш посакувам да се вратам во минато­то, но не за да ги променам работите, туку да ги почув­ству­вам по втор пат. Верзијата од него што таа ја креираше во неј­зи­ни­от ум, не е негова одговорност.

    Тејлор ја уништи бајката во која Еден живееше со години. Егоистичен, брутален, но никогаш доволно ис­крен за постапките кои мораше да ги направи шест го­дини претходно. Сè уште ја посакува, а таа е крајно недостижна. Не­говиот ноќен живот и забавите не се некое ветување за созреана личност. Кој ќе биде „тригерот“ да го на­те­ра да застане на сопствени нозе?

    И тогаш сонот се заплеткува со реалноста. Се­ко­ја вечер продолжува каде што застанал. Дали ја имаме таа моќ да управуваме со него или тој е дел од мислите што го окупираат нашето секојдневjе? Што кога и двајцата се присутни во истиот сон и свесно одговорни за секоја постапка која ја преземаат?

    Wishlist
    Позајмени сништа од: 300 ден
  • img-book

    Ако не го правиш тоа што го сакаш, колку и да се фалиш со слободниот дух, не можеш да кажеш дека си слободен.

    Адријан Грин е романски хомосексуалец кој одлучува да се пресели во Лондон затоа што е веќе уморен од себедокажувањето, од сиромаштијата, од тоа да биде различен. Со месеци живее кај својот пријател Оли и кога веќе губи надеж дека ќе најде работа, среќата му се насмевнува: станува администратор на блиските гробишта.

    Во своите монолози и во разговорите со клиентите и новите пријатели, Адријан со сурова искреност, многу хумор и сарказам ни кажува што точно мисли за вербата и религијата, среќата и парите, музиката и книгите, сексот и љубовта, стравот и смртта. Гробиштата Вормхолт стануваат простор каде што тој постепено сфаќа дека среќата лежи во прифаќањето на сопствената вистина, а не во очите на другите.

    Искрен до крајност, доволно дрзок за да ги нарече работите со нивното вистинско име, доволно храбар да ги прифати различните, Адријан прераснува во бунтовник кон стереотипите, во човек кој ни ја враќа вербата во животот.

    Wishlist
    Гробиштата од: 400 ден
  • img-book

    Уште еден фантастично напишан роман од Миљенко Јерговиќ!

    Секој петок, Џелал Пљевљак патува 116 километри со својата црна волга, од Сплит до Ливно. Оди во џамија и се враќа назад. И така едно 15 години. И кога мисли дека веќе ги познава секое дрво и секоја куќа покрај патот, му се случува нешто што ќе му го смени животот засекогаш. Го зафаќа типична босанска снежна бура и патот ќе го навее во селото Фатуми.

    Пет години подоцна, 1993, во текот на најсуровиот дел од војната во Босна, еден неименуван документарист се обидува да ја реконструира приказната со која јавноста опсесивно се занимавала до не толку одамна. Приказната за човекот кој станал последна и најголема ѕвезда во историјата на црните хроники на овие простори.

    Потресната животна сторија за осаменоста е поделена во три дела и е доволно загатлива за да го вовлече читателот во себе, но исто толку отворена за да не може да се остави и да се излезе од неа. Јерговиќ повторно си игра со документите, си игра со перспективите, со точките на гледиште. Не се знае докрај кој ја зборува вистината, што е вистината, кој има право, има ли виновници воопшто. Ова е свет со комплексни ликови во кој е сѐ дозволено и е сѐможно, свет во кој човековата природа е внимателно истражена и е длабоко нурнато во темниците на човековиот ум.

    Wishlist
    Волга, Волга од: 450 ден
  • img-book

    „Ова не треба да биде вака, ова треба да биде поинаку“, зборува некој глас во мене. „Ова не е доволно, од ова треба да има повеќе“, друг глас ми шепоти. „Гледаш ли колку нешта ти недостасуваат?“, повторно слушам глас. „Ќе изменам сѐ. Престанете да ме прогонувате, престанете да ме мачите“, им ветувам. Трчам во круг, ги туркам сите нешта по пат, ги туркам сите луѓе. Не застанувам, продолжувам да трчам. „Патот ми е чист, нема ништо и не гледам никој. Каде е крајот? Остана ли уште нешто?“, од умор едвај зборувам. „Остана“, ми се смеат гласовите. „Што е тоа? Кажете ми, каде е крајот?“, ги прашувам. „Остана уште да се измениш ти“, не престануваат да се кикотат. „Тоа ли е крајот?“, им велам. „Крајот не постои. Тоа е почетокот“, ми се смеат…

    Wishlist
    Незадоволна од: 350 ден
  • img-book

    Тоа беше само една од оние ноќи во Малибу, темна како прекривка од кадифе, кремави бранови кои се уриваа на брегот…

    Но, кога приватниот истражувач Мек Рeјли го слушна крикот на една жена меѓу звуците на брановите, неговиот едноставен животен стил засекогаш се смени. Една прекрасна, но вознемирена жена стоеше на вратата од една убава куќа на плажата. Во раката држеше пиштол, директно вперен кон него… Мек, едвај, го избегна куршумот. Која е таа жена?

    Полна со описи кои се заштитен знак на Елизабет Адлер, заверите и неверојатните ликови, “Една од оние ноќи во Малибу” е книга која се чита во еден здив.

    Wishlist
    Една од оние ноќи во Малибу од: 350 ден
  • img-book

    АКО НЕКОЈ ЧОВЕК САКА ДА БИДЕ СРЕЌЕН – ТОГАШ ЌЕ БИДЕ СРЕЌЕН И ТАА СРЕЌА НИКОЈ НЕ МОЖЕ ДА МУ ЈА ПОМАТИ.

     

    „Оддел за рак“ е длабока студија за современите канцерогени болести на телото и душата, и на човекот и на државата – и двете еднакво смртоносни. Величествен роман во кој е сумирано огромно количество човечки страдања и историски настани, ремек-дело на светската литература.

    Две години по смртта на Водачот, сите „жители“ на одделот означен со злокобниот број 13 се само дел од механизмот сè уште проникнат од сталинизмот. Дојдени од различни краишта на големата советска земја и од различни сталежи, секој од нив ја раскажува својата животна приказна – според замислата на Солженицин, „секој херој станува главен кога дејството стигнува до него“. Препуштени на безмилосната судбина,тие се осудени на немоќно одбројување на деновите што се обидуваат да го ублажат со своите зборови. Соочени со приближувањето на крајот, пациентите од одделот за рак прераснуваат во олицетворение на денешната ситуација и на стравовите на современиот човек, немоќен и беспомошен пред лицето на смртта.

     

    „Без сомневање еден од најголемите руски романсиери.“

    Сандеј тајмс

    „По својата структура, романот неверојатно потсетува на катедрала: во него има огромни пространства, мноштво сводови и неколку димензии – белетристичка, духовна, социјална.“

    Хајнрих Бел

    „Солженицин е една од најголемите фигури на времето, како писател, како етичар, како херој.“

    Едвард Кранкшо

    Wishlist
    Оддел за рак од: 500 ден
  • img-book

    Чејмберлен, докажан раскажувач на неверојатни приказни, ги држи читателите во неизвесност со приказна што ги поврзува историјата и сегашноста со романса и мистерија.

    Северна Каролина 2018 година: Поради злосторството што не го сторила, животот на Морган Кристофер се менува целосно. Нејзиниот сон за уметничка кариера е ставен во мирување, додека еден мистериозен посетител не ѝ даде понуда што ќе ја ослободи од затворот. Нејзината задача е да реставрира еден стар мурал пред платото на поштата во едно мало заборавено гратче. Морган не знае ништо за реставрација, но, очајна за да биде слободна, таа прифаќа. Она што таа го наоѓа под слоевите од нечистотија е слика што раскажува приказна за лудилото, насилството, заговорот и тајните на тоа мало гратче.

    Северна Каролина, 1940 година: Ана Дејл, уметник од Њу Џерси, победи на националниот натпревар за сликање мурал за поштата во Идентон, Северна Каролина. Поради големата потреба од работа, таа прифаќа да го слика муралот. Но, она што таа не го очекува е дека ќе се најде во град каде што предрасудите се преголеми, каде што луѓето кријат тајни зад затворени врати и каде што цената за различноста може да заврши со убиство. Што се случи со Ана Дејл? Дали трагите се кријат во насликаниот мурал? Може ли Морган да ги надмине сопствените демони за да ги открие големите лаги?

    „Роман за уметноста и тајните… беспрекорно раскажан… со шокантен крај.“ – „Пипл”

    Wishlist
    Големи лаги во мал град од: 500 ден
  • img-book

    Мрачни семејни тајни, убиства, измами и вечната потрага по вистината сместени во прекрасно опишаниот лозарски крај на Галиција.

    Познатиот писател Мануел Ортигоса добива известување дека неговиот сопруг Алваро Муњис де Давила загинал во сообраќајна несреќа во Галиција кога всушност требало да биде на службен пат во Барселона. Се упатува таму и открива дека истрагата за случајот е затворена, а човекот со кој бил во брак петнаесет години криел од него дека потекнува од богато благородничко семејство и дека тој му е единствениот наследник.

    Растргнат помеѓу болката од загубата и од сознанието за двојниот живот, сака да избега веднаш по погребот. Но го задржува Ногеира, полицаец во пензија, кој се сомнева во околностите за смртта на Алваро исто како и за друг смртен случај во неговото семејство, за кој мисли дека бил прикажан како несреќен случај. Заедно со свештеникот Лукас, кој му бил најдобар пријател на загинатиот од детството, го наведуваат Мануел да започне истрага за ненадејното патување на Алваро во Галиција и за неговиот таен живот. Ја почнуваат потрагата по вистината во место во кое старите обичаи и верувања се длабоко вкоренети и место што крие многу тајни.

    Wishlist
    Сето тоа ќе ти го дадам од: 650 ден
  • img-book

    Дедо ми отсекогаш велеше дека книгите поседуваат безмерна моќ.

    Која е вистинската моќ на книгите? Повлеченото момче Ринтаро ќе го открие тоа сосем неочекувано, соочено со загубата на нештата што му значеле најмногу во животот.

    Ринтаро се чувствува свој само меѓу книгите на дедо му, кои се негово прибежиште. Но откако дедо му ќе почине, тој ќе мора да ја продаде книжарницата во која поминал многу среќни часови во читање и да се пресели кај една далечна роднина. Меѓутоа еден необичен посетител од корен ќе му го промени животот. Тигар Пругавиот, мачорот кој умее да зборува, бара помош од Ринтаро за спасување на книгите. Оваа мисија ги носи на необично патување на кое запознаваат чуди луѓе и добиваат најразлични задачи. Минувајќи низ лавиринтите, на крајот доаѓаат до последниот и најтешкиот предизвик – оној кој од Ринтаро бара огромна храброст…

    Необичен мачор, младешка љубов, волшебни книги и возбудливи авантури…Роман што ја враќа вербата во добрината, во кој ќе се пронајде секој читател.

    „Волшебна приказна што нè повикува да уживаме во читањето и ни открива нови светови што ги држиме в раце додека ги листаме и мирисаме печатените страници и ја допираме шушкавата хартија.“

    Џапан тајмс

    Wishlist
    Мачорот што ги спаси книгите од: 340 ден
  • img-book

    Скршена поради ненадејната смрт на нејзината мајка и уништена по последната љубовна  врска, Кејси Пибоди, летото 1997 година, стигнува во Масачусетс без никаков план. Нејзиното поштенско сандаче е преполно со покани за свадби и последни известувања од наплатувачи на долгови. Поранешното чудо од дете за голф, сега работи како келнерка во ресторан на плоштадот Харвард и живее во изнајмена мувлосана соба во која работи на својот роман што го пишува шест години. На 31 година, Кејси сè уште се држи за нешто од кое речиси сите нејзини пријатели се откажале: посветеноста да има креативен живот. Кога во исто време ќе се вљуби во двајца сосем различни мажи, нејзиниот свет се крши на уште поситни парчиња. Кејси се бори да ги исполни нејзините креативни амбиции и да балансира меѓу спротивставените барања на животот и уметноста, на начини што ја туркаат до работ.

    „Писатели и љубовници“ ја следи Кејси – паметна и ранлива протагонистка – во последните денови од младоста, период кога секој сегмент од нејзиниот живот е во криза. Напишан со хумор, срце и интелигенција, карактеристични за стилот на Лили Кинг, овој исклучителен роман го истражува застрашувачкиот и возбудлив скок помеѓу крајот на една фаза од животот и почетокот на друга.

    Wishlist
    Писатели и љубовници од: 360 ден
  • img-book

    Во градината на една куќа во Карбонара, во Апулија, цвета олеандер. Го насадува Агостино, кога се преселува таму со неговата сопруга Анита, позната како „Марџала“.

    Жена со ретка и мистична убавина, Марџала има моќ да ги смири болките кај новороденчињата, претставува скапоцена помош при раѓање и, доколку е потребно, е во состојба да отстранува клетви. Има три ќерки: Розета, Корнелија и Дијаманте, која е најмладата. Првата е убава и дива како и таа. Втората има коса со боја на мед и истите светли, продорни очи на нејзиниот татко. Од друга страна, Дијаманте е полничка, со виткана и нескротлива коса и е своеглава.

    Со постојано остар и прониклив поглед, речиси никогаш не препуштајќи се на нежност, со текот на годините Марџала станува сведок на смртта на нејзиниот сопруг, на почеток на војна и на растењето и созревањето на нејзините ќерки, со нивните несреќни љубови, горливи страсти, горчливи разочарувања.

    Смирувачкото присуство на Марџала, обвиткано со нејзината непробојна тишина, е постојано тука да ги надгледува, дури и спроти најнепредвидливата судбина…

    Семејна сага за испреплетените судбини на четири храбри и уникатни жени. Мирисот на волшебната земја, Апулија

    Wishlist
    Градината на олеандрите од: 390 ден
  • img-book

    Хари Потер е исфрлен од Хогвортс! Бранејќи го својот братучед Дадли од дементорите, тој е принуден да употреби магија за време на летниот распуст, постапка што доведува до негово сослушување од министерот за магија лично. Во меѓувреме, лордот Волдеморт е сè помоќен, а голем дел од волшебничкиот свет – вклучувајќи го и Министерството за магија – е во одрекување: се води подмолна хајка против сведоштвата на Хари и Дамблдор. Но, за среќа, постојат луѓе кои ќе му се спротивстават на Мрачниот господар. Познатиот Ред на фениксот, основан од Дамблдор како противтежа на страшните смртојади, дејствува и се бори зад кулисите. На повидок е нова волшебничка војна и секој мора да ја одбере страната на која ќе се бори.

    „Хари Потер и Редот на фениксот“ е петтиот дел од серијалот за младиот волшебник Хари Потер и неговите авантури во светот на волшебниците и магијата.

    Wishlist
    Хари Потер и Редот на фениксот од: 1,150 ден
  • img-book

    Ејми Тирни го има вистинскиот рецепт за совршен живот: да се омажи за нејзината прва љубов од детските денови, да основаат семејство и да го откупи ресторанот на родителите. Но, кога нејзиниот свршеник, Џејмс Донато, ненадејно исчезнува во бродска несреќа, нејзината визија за светла иднина заедно со него исчезнува во морето. Наместо да чекорат кон олтарот на нивниот свечен ден, Ејми се наоѓа на неговиот погреб – настан што ја остава крајно вознемирена.

    Во обидот да си го обнови сопствениот живот, Ејми сè подлабоко се впушта во разоткривање на случката со исчезнувањето на Џејмс. Открива море од тајни што ја тера да се сомнева во сè што граделе заедно. Токму под површината се наоѓа вистината што може да ја ослободи Ејми… или да ја уништи засекогаш.

    „Сè што чуваме“ е дебитантски роман на Кери Лонсдејл и прв од трилогијата „Сè“. Во него се обработуваат темите на очајот од загубата, еуфоријата од новото вљубување и нештата што го забрзуваат пулсот при налетот на вистината за драгите личности и на што сè се подготвени тие за да нè заштитат.

    Wishlist
    Се што чуваме од: 330 ден
  • img-book
    „Зборувате со некого и наеднаш застанувате, не знаете што кажувавте пред само пет секунди. Тоа се случува сè почесто, почнувате да ги заборавате зборовите, имињата на луѓето, а потоа и нив, вашите најблиски. Секој ден губите по некоја коцка од вашиот живот, сè околу вас се распаѓа како кула од карти. Потоа почнува да ви ги снемува работите, некој ви ги краде парите, ви ја крие облеката, а се сомневате и дека сакаат да ве отрујат… но никој не ви верува. А и вие не верувате никому.
    Кога Алцхајмер ќе ви влезе дома, тој не само што ги краде меморијата, сеќавањата на заболениот, туку го става во окови целото семејство. Некои работи се толку тажни што нема место за ништо друго. А кога мајка ви ќе ве заборави… тоа е една од тие работи!
    Мајка ви, жива е? – ме праша еден ден.
    Да, МАМО, жива е!
    Не забележа ништо чудно во мојот одговор“.
    Wishlist
    Кога мама заборави да ме сака од: 199 ден
  • img-book

    Преполн тензија, мистерија и романса, последниот роман од трилогијата на Кери Лонсдејл, „Сè што даваме“, носи моќна завршница на возбудливиот серијал за љубовта, лагите и тајните што ги чуваат семејствата.

    Наградуваниот фотограф Ијан Колинс прави само една грешка во животот, што ја чини слобода неговата мајка и уништено семејство, оставајќи го сам да се грижи за себе. Со години тој е разделен од татко му, а на мајка му ù се губи секаква трага. Сè додека тој сам не тргне во потрага по неа.

    Денес, се чини Ијан има сè што отсекогаш посакувал – национална слава како фотограф, својата сакана сопруга Ејми и нивната обожавана ќерка Кети. А сепак, како да му недостигаат само две нешта: да се појави во „Нешнел џиографик“ и да ја пронајде мајка му. Кога познатото списание му понудува проект од неговите соништа, во истиот ден се појавува поранешниот свршеник на Ејми – Џејмс, кој му пренесува важна порака и остава белег на неговиот брак. Ијан мора да направи избор: да ја зграпчи посакуваната работна задача или да се поврзе со мистериозната жена која можеби го има клучот од разрешницата на неговото неспокојно минато. Но, влоговите се преголеми, затоа што Ијан може да го загуби она што му е највредно: неговото семејство.

    Wishlist
    Се што даваме од: 390 ден