Биографија (50)
  • img-book

    За некои борби вреди да се живее…

    Мојата животна приказна: сексуалното и менталното злоупотребување во детството и младоста, борбата со ракот и преживување на траумите.

    „Безсловен“ е автобиографско писание, вклопено во рамка на сирова искреност. Една тегобна реална слика, насликана со скрб, крв и солзи. Со делото авторот се обидува да се исцели себеси, но и да помогне на сите оние кои го преживеале истото и сè уште се борат во сенките на четириѕидовниот затвор на својот ум.

    Испреплетените приказни низ годините делуваат како исткаени моменти, кои како да не припаѓаат тука, на Балканот. Една разнобојна таписерија, која започнува во 2019 година кога авторот дознава дека има канцер. Канцерот е како еден катализатор за да може како од Пандорина кутија да се излеат сите болки, тајни и трауми од минатото. Поточно шест трауми и големи лузни од минатото, сокриени во шест сандаци: менталното и физичкото злоупотребување од страна на негувателките од градинка и од сопствените баба и дедо, кои со жилети му го сечеле јазикот, злоупотребување од страна на таткото алкохоличар, сексуалното злоупотребување од 8 до 10 години од страна на сосед, што впрочем е и најголемата траума во делото и околу кое се прилепуваат сите останати, и врсничкото физичко и ментално насилство (булинг) во основното и средното образование.

    Време е и на овие наши простори да за’рти дело кое ќе изникне и ќе се издигне над сите табуа кои нè чувале под стеги; да се зборува за сите овие нешта (особено за сексуалното злоупотребување), за да може некое дете, некоја возрасна личност, некоја социјална група, да се излечи. Делото е еден вид на водич како да се адресираат траумите кои ги чуваме сите; совети дека е сосем во ред да се разговара за тоа, бидејќи преку зборувањето и откривањето, ние се лечиме.

     


  • img-book

    Тоа беше една од највпечатливите фотографии на 20 век: две момчиња, двајца принцови, чекорат зад ковчегот на нивната мајка додека светот гледа со тага – и со ужас. Додека траеше погребот на принцезата Дијана, милијарди луѓе се прашуваа што мислат и што чувствуваат принцот Вилијам и принцот Хари – и како ќе се одвиваат нивните животи од тој момент понатаму.

    За Хари, ова е конечно таа приказна.

    Пред да ја изгуби мајка му, дванаесетгодишниот Хари беше познат како безгрижната и среќна Резерва на многу посериозниот Наследник. Тагата промени сè.

    Се бореше на училиште, се бореше со гневот и осаменоста – и бидејќи го обвини печатот за смртта на неговата мајка, се бореше да го прифати животот во центарот на вниманието.

    На 21 година се приклучи на британската армија. Дисциплината му даде структура, двете учества во борбени дејства го направија херој дома. Но, наскоро ќе се почувствува поизгубен од кога и да е, ќе страда од посттрауматски стрес и панични напади. Згора на тоа, не може да ја најде вистинската љубов.

    Потоа ја запознава Меган. Светот беше обземен од филмската романса на двојката и се радуваше на нивната бајковита свадба. Но, уште на почетокот, Хари и Меган беа жртви на новинарите, подложни на бранови злоупотреби, расизам и лаги. Гледајќи го страдањето на сопругата, ризиците по нивната безбедност и ментално здравје, Хари не виде друг излез за спречување на трагедијата од историјата што се повторува освен да ја напушти родната земја. Низ вековите, напуштањето на кралското семејство било нешто на кое само неколкумина се осмелиле. Последната која се обиде е всушност неговата мајка…

    По првпат, Хари ја раскажува неговата приказна со сурова и непоколеблива искреност. Оваа исклучителна книга ни дава увид во откровенијата, самоиспитувањето и тешко стекнатата мудрост за вечната моќ на љубовта над тагата.


    Резерва од: 590 ден
  • img-book

    За ѕвездата на едно старо добро време кое веќе го нема, но ќе остане вечно запаметено

    Животот на Велибор Џаровски-Џаро беше патување, песна, игра и љубов. Но играта што ја играше не беше секогаш лесна. Бурниот и немирен темперамент, остриот ум и специфичниот карактер постојано го соочува со најразлични перипетии.

    Организатор на над 5.000 концерти, промотор на безброј пејачи и фудбалери на кои им помогна да го достигнат врвот во кариерата, бестрашен прекршувач на законот со 135 лажирани натпревари… Секогаш во центарот на вниманието поради различни згоди и скандали, тој остана крал на југословенската естрадна и спортска сцена дури и по нејзиното распаѓање.

    Менаџер во времето кога менаџерството беше непризната професија, човек кој не признава просечност и пораз, незауздан ум кој не се плаши да ги премине границите. Некои луѓе не го познаваат зборот „доволно“. Таков е Џаро, кој останува запаметен како белег на едно време што ќе остане вечно запаметено – исто како и луѓето што го одбележаа.


  • img-book

    Трпезата на богатите и сиромашните се разликува само според нивните приходи.

    Орвеловата автобиографија, исповед и критика – маестрален портрет на сиромаштијата во општеството.

     

    Класикот на критичката мисла отворено и без трошка самосожалување ги изнесува вистините за бедата што ја доживеал во Париз и Лондон. Двете епизоди се еднакво фасцинантни – париската по разоткривањето на заднината на отмените француски ресторани, и лондонската по начинот на кој е насликан животот на скитниците на самото дно на општеството.

    Орвел ни нуди живописен приказ на двата града со отрезнувачки вистини за ужасната стварност –ужасна затоа што е сосема реална. Овој негов роман е веродостоен сведок и значаен социјален документ за сиромаштијата што го угнетува народот. Но тој истовремено прераснува и во беспоштедна критика кон општеството кое не презема ништо за нејзино решавање.


  • img-book

    Животот е борба. А колку потешка е борбата толку послатки се плодовите, толку посладок е животот.

     

     

    Ниту еден живот не е обичен, но некои животни приказни имаат малку понеобичен тек. Таков е животот на еден човек кој доживеа многу и пропатува на најразлични места во светот запознавајќи многу луѓе, но запознавајќи се и себеси… И тогаш реши стварноста што ја живее, а која и ти ја живееш, да ја запише на картони. Веројатно веќе знаеш за кого зборуваме. Е па, Кристијан е многу повеќе од Човекот со картоните.

     

    Запознај го одблизу и ѕирни колку „Живот“ се крие во неговата енергија. Да, многупати нè насмеал, но сега е време да дознаеме што се крие зад неговата насмевка. Зашто насмевките не кријат секогаш среќа. Понекогаш таму има и разбранувано море. Убавината е да научиш да пловиш и по него. Кристијан нека биде капетанот, а бродот, драги гледачу на животниот филм на Бомбакис, е токму оваа книга што ја држиш во рацете.

     

    П. С. Внимавај при пловењето, понекогаш е тешко да се одржува рамнотежата кога едната страна на морето те смее, а другата те расплакува.


    Живот од: 300 ден
  • img-book

    Седумте“ е дело кое нема да ве однесе само на падините и на врвовите на далечните, за повеќето од нас сосема недофатливи, па и незамисливи светови. Овој патопис на Илина Арсова е документ не само за нејзините патешествија и подвизи што оставија неизбришлива трага во историјата на македонскиот спорт, туку претставува и архив на едно време во кој преку длабоко искрен приказ на личното – од размислите до животните приказни на авторката – стигнуваме до пресек на болните проблематики на современото македонско општество.
    Румена Бужаровска, писателка, професорка

    „Седумте“ е мистично, адреналинско, авантуристичко патување по светот, но е уште повеќе длабоко, внатрешно патување кон сопствениот гравитационен центар. Прелетувајќи преку тропските бои, џагор и мириси на Истокот, низ чудесниот остров на Екваторот проткаен со вулкански карпи, корални формации и неверојатен биодиверзитет, низ глечерите на Хималаите и бескрајната белина на Антарктикот, „Седумте“ слетува во најдлабоките прашуми на срцето и душата. Токму таму, Арсова суптилно и безрезервно ги отвора темите за љубовта, страста, тагата, дилемите и одлуките поради кои е нешто засекогаш загубено или, пак, занавек сочувано.
    Маја Мухиќ, професорка и вљубеничка во адреналинските спортови

    Илина е име изведено од дарежливост, среќа, насмевка, утеха, љубов. Нејзината книга е сведоштво за вистинскиот балон кој самите си го создаваме, но таа умешно е надвор од него. Кога ќе си ја спомнете, пред вас е широката насмевка која зрачи со љубов и мудрост. Има вештина! Одете и пробајте некоја ваша вештина, ќе паднете во стапица! Илина вешто ги создава стапиците и ги совладува!
    Оваа книга треба да си ја имате поблиску до себе. Зборовите стануваат ваши. Илина копнеж, стремеж, врзување, допирач на ѕвезди, чувар на пеперутки и безусловно слободна!
    Весна Петрушевска, актерка

     

    „Седумте“ се патописи за љубовта, за планините, за уметноста, за карпите, за езерото, за екологијата и упатства за управување со отпадот (четиво за младите генерации). За живот исполнет со спортување. Спортот за неа е лек за многу физички и психолошки состојби, а несомнено помага во градење на самодовербата и дисциплината на една личност.
    „Седумте“ е книга за копнежот на Илина по нови нешта, остварување на мали и големи цели со предизвици, дестинации. Книга пишувана со искреност соголена до коска.
    Илина е жител на светот, зависник од патувања, во постојана трка со времето, со планинските врвови што ја прават неизмерно среќна. Постојано се вљубува во нови работи што одбира да ги прави, што е нејзина неприкосновена пасија.
    Во својот номадско-авантуристички живот е растргната меѓу различни хобија, креативна дејност, активизам, волонтерска работа, спортување, патувања… Зборот досада за неа е непознаница.
    Илина Арсова е нашата национална хероина.

    Катица Гароска Ацевска, планинарка, книжевна преведувачка

    Токму нејзиниот поглед, полн со решителност и мекост, ме плени во првата (виртуелна) средба со Илина Арсова. Од неа зрачи суптилна мешавина на сила и спокојство. Нејзиниот тон, термините што таа секогаш внимателно ги избира, ја покажуваат рамнотежата која би требало да постои меѓу луѓето и природата. Нејзините достигнувања имаат длабоко чувство на почит и поклон кон планината. За неа одењето до врвот е синоним за внатрешно патување. Тој никогаш не се освојува, можете само привремено да застанете на планинскиот врв, притоа достигнувајќи го својот.

    Ванеса Буше, фотографка, новинарка и скијачка

    Искрена, луцидна, интригантна, номатка, авантуристка – токму како што кажуваат почетните букви од нејзиното име – Илина ни раскажува не само за светот чие дете е, туку и за својот свет, и за нашиот свет. Свет со врвови од кои запира здивот, но и со длабоки, неистражени долини и пештери. Свет со божествена убавина, загрозен од нашата негрижа. Овие страници, проникнати со восхит и длабока почит кон природата, се освестувачка шлаканица за човештвото кое не знае да го цени тоа што го има.
    Ова не е книга само за освојување на врвовите на светот. Туку и за нашите сопствени, внатрешни врвови. За негувањето на сонот и неговото остварување. За издржливоста. И најмногу за љубовта – кон ближните, кон природата, кон светот – која ни е неопходно потребна во овој отуѓен свет.
    Виолета Танчева-Златева, писателка и лекторка


    Седумте од: 450 ден
  • img-book

    Повеќе од триесет години од настаните што ги опишува во својата книга, Ванеса Спрингора го претставува процесот на немилосрдна психолошка манипулација и застрашувачка двосмисленост на согласноста со која се соочува жртвата полна со љубов. А покрај својата индивидуална приказна, таа ги доведува во прашање и настаните од цела една епоха – како и самозадоволството на една средина заслепена со сопствената слава и талент.

    Во средината на осумдесеттите години на 20. век, воспитувана од страна на разведената мајка, В. со читањето ја пополнува празнината што ја оставил отсутниот татко. На возраст од само тринаесет години, на една вечера, го запознава Г., писателот чија мрачна слава не ја познава. На прв поглед била привлечена од харизмата на тој педесетгодишен маж – од неговите вљубени погледи и вниманието што ѝ го посветува. Потоа добива писмо во кое тој ја нагласува својата несовладлива потреба повторно да ја види. Сеприсутен и страстен, Г. успева да ја убеди дека ја сака и дека нема да ѝ направи ништо лошо.

    Кога полни само четиринаесет години, В. му се нуди и со душата и со телото. Заканите на Одделот за малолетници уште повеќе ја засилуваат оваа опасно романтична идила. Меѓутоа, кога В. ќе забележи дека Г. отсекогаш негувал љубовни врски со адолесцентки, како и дека практикува сексуален туризам во земјите во кои малолетниците се загрозени, таа поминува низ страшно разочарување. Бидејќи зад привлечната појава на еден писател се крие предатор, В. се обидува да се оттргне од него, подготвувајќи се да ја раскаже нивната приказна.

    Така настана оваа автобиографија што се темели на вистински настани…


    Согласност од: 430 ден
  • img-book

    Делото „Лисица“ од првата дама на ексјугословенската книжевност, Дубравка Угрешиќ, е роман, автобиографија, патопис – и многу повеќе од тоа. Авторката на духовит начин се пресметува со современата книжевна сцена и со глобалните трендови, патувајќи, литерарно и физички, од Јапонија преку многу руски класици до американските авантури на Набоков, или пак до бесмисленото претставување на книгата во денешниот свет.

    Што е книжевноста денес, која е нејзината улога и, уште поважно, која е улогата на писателот, дали е тој само кловн што патува низ светот, дали воопшто е возможно сè уште да се раскажуваат приказни, дали е возможно само така да се создаде роман и да се измисли приказна, како и кој има контрола над текстот, авторот или самата приказна – сите овие прашања ги поставува „Лисица“.

    Без нималку патетика, преполна со фин хумор, со суптилна иронија, со книжевни и теориски референции, „Лисица“ е посвета на писателите и на пишувањето, на оние важните, неодминливите, на оние чии приказни го менуваат читателот. Такви приказни може да создаде само исклучителен раскажувач, а таква раскажувачка без сомнение е токму Дубравка Угрешиќ.


    Лисица од: 350 ден
  • img-book

    Интимна биографија за Тим Берглинг – Авичи, легендарниот диџеј што прерано го напушти овој свет.

    Диџејот и продуцент Тим Берглинг, во цел свет познат под уметничкото име Авичи, експлодира на музичката сцена како огномет наспроти ноќно небо. Беше музички визионер, кој со своето чувство за мелодија успеа да го дефинира периодот кога шведската и европската хаус-музика го освојуваа светот.

    Но Тим Берглинг исто така бил и интровертен и кревок млад човек, принуден пребрзо да порасне. По цела серија инциденти, кои резултираат со болнички престој, тој ја прекинува турнејата летото во 2016 година. Едвај две години подоцна, си го одзема животот.

    „Тим – официјалната биографија на Авичи“ е дело на наградуваниот новинар Монс Мосесон, кој добива специјален пристап до белешките на Тим, а прави интервјуа и со неговото семејство, како и со неговите пријатели и колегите од музичкиот бизнис. Биографијата искрено ги претставува Тим и неговата животна потрага, не срамејќи се од тешкотиите со кои се соочувал.


  • img-book

    Омилената ѕвезда од „Пријатели“ нè носи зад сцената на хит-серијата и на неговата борба со порокот во овие искрени, забавни и разоткривачки мемоари што испраќаат моќна порака за надеж и упорност.

    „Здраво, се викам Метју, иако можеби ме знаете и по друго име. Пријателите ме викаат Мети. И требаше да сум мртов.“

    Вака започнува приказната на познатиот актер, која води од детските амбиции за слава сè до зависноста и закрепнувањето од неа. Тој нè запознава со: петгодишниот Метју, кој патувал од Монтреал до Лос Анџелес, врвејќи ја траекторијата помеѓу неговите разделени родители; со четиринаесетгодишниот Метју, кој веќе бил познат во цела Канада; и со дваесет и четиригодишниот Метју, кој ја зграбил посакуваната улога како водечки член на актерската екипа од пилот-серијата која првично била наречена „Пријатели како нас“.

    Во извонредната приказна што само тој може да ја раскаже, Метју Пери го открива растуреното семејство во кое израснал, желбата да биде препознаен, и празнината што не можела да се пополни дури и кога неговите најголеми соништа биле остварени. Исто така, тој детално ги опишува мирот што го нашол во трезвеноста и чувството додека траела сеприсутноста на „Пријатели“, споделувајќи приказни за колегите од серијата, но и за други ѕвезди што ги запознал по тој пат. Искрен, самосвесен, и со хуморот како заштитен знак, Пери сликовито ја прикажува својата доживотна битка со пороците и како тие се родиле и покрај тоа што навидум имал сè.

    „Пријатели, љубовници и големото ужасно нешто“ сe незаборавни мемоари кои се и интимни и ни ги отвораат очите, како подадена рака за секој што води некоја битка. Непоколебливо искрена, трогателна и бурно смешна, ова е книгата што фановите долго ја очекуваа.


  • img-book

    „Четири години во планините на Курдистан (1915-1919) –  Мемоарите на преживувањето на едно ерменско дете“ е ретко и инспиративно лично сведоштво за едно потресно поглавје од историјата. Извонреден приказ за влегувањето во светот на возрасните и приказна за опстанокот на еден ерменски тинејџер принуден да живее во племенска култура меѓу курдските селани и турските бегови.

    Ерменецот Арам Хајгаз имал само 15 години кога ги загубил татко си, браќата, многу роднини и соседи. Сите биле убиени или починале од глад кога отоманските војници го ставиле нивното село под едномесечна опсада.

    При депортацијата на Ерменците, Арам и мајка му биле принудени да пешачат низ сириската пустина без храна, вода и засолниште како дел од системското уништување на христијанското ерменско население во 1915 година.

    Мајка му го поддржала да премине во ислам за да преживее. На четвртиот ден од маршот еден Турчин се согласил да го земе овој млад преобратеник во своето домаќинство. Тој се издигнал од „неверник“ до доверлив секретар, единствениот што знаел да чита и пишува во племето што го прифатило.

    Арам поминал четири долги години живеејќи како роб, слуга и овчар меѓу курдските племиња, полека стекнувајќи ја довербата на своите киднапери. Во текот на овие години тој израснал од момче во маж и неговата приказна им нуди на читателите извонреден приказ за влегувањето во светот на возрасните и вредно историско сведоштво.

    Хајгаз успеал да побегне од заложништвото во САД во 1921 година.


  • img-book

    Ексклузивна биографија на Стив Џобс напишана со негова целосна соработка.Врз основа на повеќе од четириесет интервјуа со Стив Џобс направени во тек на цели две години – како и врз основа на интервјуа со над сто негови роднини, пријатели, непријатели, ривали и колеги – оваа книга е хроника на неговиот возбудлив живот и див карактер, приказна за креативниот претприемач кој се стремеше кон совршенство и му се предаваше на својот немирен, интуитивен порив, житие за човекот кој успеа да изврши револуција во шест различни индустрии: персоналните компјутери, анимираните филмови, музиката, мобилните телефони, таблет- компјутерите и дигиталното издаваштво. Во време кога општествата од целиот свет се обидуваат да изградат економија што ќе биде во тек со дигиталната ера, Џобс е иконата за креативност и применета имагинација. Знаеше како да создаде вредност во дваесет и првиот век: ја поврза имагинацијата со технологијата, создаде компанија во која креативноста беше на исто ниво со високата технологија. Џобс е искрен, можеби и претерано искрен, за луѓето со кои работеше, соработуваше и се натпреваруваше на пазарот. Исто така, неговите пријатели, непријатели и колеги нудат искрени прикази за она што го сакаше и го мразеше, за неговите демони, за перфекционизмот, за желбите, мајсторството, ѓаволштините и опседнатоста со контрола, сето она што ги обликуваше неговиот пристап кон работата и иновативните производи што резултираа од вложениот труд. Знаеше да ги разбесни и да ги фрли во очај блиските. Но неговиот карактер и производите што ги создаваше беа тесно поврзани, исто како што се поврзани хардверот и софтверот на производите на „Епл“. Неверојатната приказна за животот и делото на Стив Џобс е токму оваа мајсторски напишана биографија, исполнета со лекции за иновација, карактер, вредности и раководство.


    СТИВ ЏОБС од: 650 ден
  • img-book

    „Верзија на пеколот што го надминува Орвел, го надминува Кафка: постојана тортура пропишана од лекарите во Вашингтон.“

    Џон ле Каре

    Оваа книга е првиот и единствен дневник на притворено лице што 14 години било држено во Гвантанамо.

    Во 2002 година, Мохамеду улд Слахи бил затворен во притвореничкиот логор Гвантанамо Беј во Куба, каде што се држеле политички затвореници од војната во Авганистан, а подоцна и од војната во Ирак. Сите години додека бил таму, САД воопшто не го обвиниле за какво било дело. Федерален судија наредил негово ослободување во март 2010 година, но американската влада ја оспорила одлуката. Апелационен суд ја поништил одлуката и го вратил предметот на Окружен суд во ноември 2010 година за понатамошно разгледување. Окружниот суд никогаш не одржал второ рочиште.

    На 14 јули 2016 година, Одборот за периодична ревизија му одобрил ослободување од притвор на Слахи. Тој бил ослободен и се вратил во Мавританија на 17 октомври 2016 година; бил затворен во Гвантанамо повеќе од четиринаесет години.

    По три години во заробеништво, Слахи почнал да пишува дневник и да го раскажува својот живот пред да исчезне во американски затвор и пред да се најде на „бесконечното патување низ светот на затворите и испрашувањата“. Неговиот дневник не е само жив запис за погрешно спроведување на правдата, туку и длабоко лична автобиографија – застрашувачка, полна со црн хумор и изненадувачки елегантна.

    Дневник од Гвантанамо, првото сведоштво од ваков вид, е документ од големо историско значење, лектира што привлекува внимание и дава интересни информации.


  • img-book

    ОТКРИЈ СÈ ШТО САКАШ ДА ЗНАЕШ ЗА ЛОШАТА ДЕВОЈКА НА ПОП-МУЗИКАТА ВО ЕДНА НЕВЕРОЈАТНА КНИГА!

    Били Ајлиш го погоди светот на музиката како бура. Од нејзиниот уникатен звук до стилот на девојка со став, Били навистина е една и единствена.

    Оваа книга е спакувана со фантастични факти, одлични совети и информации. Откриј сè што те интересира за оваа музичка мегаѕвезда.


    Били Ајлиш од: 350 ден
  • img-book

    Оваа книга претставува интимен, ревизионистички портрет на раните години на Фидел Кастро и покажува како еден млад Кубанец ја водел својата земја во револуција и го преобликувал светот.

    Книгата ќе ви го промени начинот на размислување за Фидел Кастро. Досега, биографите го третирале животот на Кастро како обвинители, пребарувајќи низ неговото минато во потрага по докази за осудување на оваа личност што не ја сакаат или не ја разбираат. А тоа неретко може да резултира со лошо прикажување на историјата и незадоволителна биографија.

    „Младиот Кастро“ ги предизвикува читателите да го остават настрана често карикатуралниот приказ на брадосана, антиамериканска вжештена глава со пура во устата и да откријат како Кастро станува диктаторот, кој изгледа како трн в око на американските претседатели речиси половина век.


  • img-book

    Нека блесне твојата внатрешна Мерилин!

    Водич за живот и оддавање почит на стилот, гламурот и моќта да забавува на најголемата холивудска икона, „Мала книга за Мерилин“ нуди инспиративни лекции од Монро за денешните жени. Внатре ќе најдете:

    ·                     Упатства за тоа како да изгледате како ѕвезда

    ·                     Совети за стил и каде да најдете парчиња облека во стилот на Мерилин

    ·                     Идеи за декорирање од нејзиниот дом

    ·                     Секојдневна инспирација од животот на Мерилин

    Сеќавања на обожаватели, прекрасни фотографии и многу повеќе!