Бизнис (25)
  • img-book

    Поранешен ФБИ преговарач за меѓународни киднапирања и ситуации со заложници споделува нов, но докажан метод за преговарање – ефективен во која било ситуација, со многубројни примени во секојдневниот живот.

    Од мрачните улици на Канзас Сити, Мисури, Крис Вос преоѓа во ФБИ, каде што неговата кариера како преговарач при киднапирања го става во ситуации лице в лице со ограбувачи на банки, лидери на банди и терористи. „Никогаш не прифаќај компромис“ ве носи во длабоката внатрешност на светот на преговорите – и тоа оние најважните, најделикатните, каде што може најмногу да се изгуби или добие. Вос ги открива деветте клучни принципи кои им помогнале нему и на неговите колеги тогаш кога било најважно – кога нечии животи зависеле од нивните преговарачки вештини.

    Црпејќи од реалните искуства на врвен професионалец, „Никогаш не прифаќај компромис“ ќе ви даде значајна конкурентска предност во секоја можна дискусија.


  • img-book

    Една од највредните вештини во економијата станува сè поретка – ако ја совладате, ќе постигнете извонредни резултати.

    Умеете ли да се фокусирате? Да се исклучите од надворешниот свет, наполно да се внесете во задачата? Ако умеете да го направите тоа, тогаш сте исклучок. Повеќето луѓе денес се обидуваат да извршуваат повеќе задачи истовремено, поради што ја имаат изгубено способноста длабоко да проникнат во даден проблем.

    За да работиме задлабочено, треба да умееме да се сосредоточиме на извршување на задачите што бараат сериозен интелектуален напор и притоа да не дозволуваме други нешта да ни го одвлекуваат вниманието. Оваа способност за фокусирање ни помага побрзо да ги совладаме сложените информации и да постигнеме подобри резултати за пократко време. Задлабоченото работење ќе ве направи подобри во она што го работите и ќе ви донесе вистинска исполнетост. Во сè поконкурентната економија на 21 век, задлабоченото работење наликува на супермоќ. А сепак, повеќето од нас ја имаат изгубено способноста за задлабочување и ги минуваат деновите во френетично и магливо лутање меѓу е-поштата и социјалните медиуми, не сфаќајќи дека постои подобар начин.

    Докажувајќи ја ползата од задлабочената работа, Кал Њупорт ни предлага четири правила за преобразување на умот и навиките. Нè запознава со многу интересни личности кои ја совладале уметноста на задлабоченото работење – од Карл Јунг, кој гради камена кула во шума за да го сосредоточи умот, до пионерот во социјалните медиуми кој купува повратен билет до Токио за да ја напише книгата без ништо да му пречи.

    „Задлабочено работење“ е незаменлив водич за секој човек кој бара фокусиран успех во нашиот расеан свет.


  • img-book

    „Одлична книга која може да ви го смени животот.“ – Опра Винфри

    Предупредување до читателите: содржината на оваа книга може да ги потресе основите на вашиот живот. Ова е најлуцидната, најпроникливата и најзначајната книга за пари што ќе ја прочитате. Веројатно зашто во неа не станува збор за пари, туку за она за што ја разменуваме нашата животна енергија.

    Ова не е книга за личните финансии, туку за животот и како да го структурирате вашиот за да одговара на вашите вредности. И тоа не преку бескорисни совети како „следете ја страста“, туку на многу подлабоко ниво. Ви помага да откриете колку е „доволно“ за вас – точка во која сте задоволни и исполнети, единствена за секој. Иако вежбите во книгата се за управување со вашите пари, прашањата и советите се поврзани со ограничениот број часови што ни остануваат во животот и начините на кои можеме да внесеме смисла во нив.

    Без разлика дали штотуку го почнувате вашиот финансиски живот или сте пред пензија, оваа книга ќе ви покаже како да:

    • се ослободите од долговите и да заштедите
    • заштедите преку зголемена свесност и добри навики, а не преку строго штедење
    • го расчистите животот и да живеете подобро со помалку
    • ја вложите вашата заштеда и да се збогатите
    • и уште многу други важни работи!

     

     

     

     

     


  • img-book

    Кои модели на размислување и однесување ни помагаат достоинствено да се соочиме со искушенијата и да ги надминеме? Ејми Морин си го поставува ова прашање не само како психотерапевт туку и како личност која претрпела неколку тешки загуби. Додека се соочува со уште една лична трагедија, размислува за природата на психичката моќ и ги набројува тринаесетте работи што нè спречуваат да ја развиеме.

    Во оваа книга, авторката ги опишува лошите навики што нè спречуваат да го постигнеме својот целосен потенцијал и ни предлага начини за развивање на психичката сила насочени кон контрола на мислите, емоциите и однесувањето. Благодарение на проверените совети и интересните приказни на нејзините пациенти, ќе можете да стекнете навики на психички силни луѓе. Повеќе нема да се сожалувате, премногу да се навраќате кон минатото, да се плашите од промени или неуспех, или да се трудите да им угодувате на другите. Со новооткриената самодоверба и одлучност, ќе го пронајдете својот пат до среќата и успехот.


  • img-book

    Без евтини фори. Без преувеличувања. Без магични стапчиња. Според Дарен Харди постои само еден, многу едноставен и функционален принцип за успех, без оглед на кое поле во животот сакате да напредувате. Ако сте сериозни дека сакате да живеете исклучителен живот, тогаш искористете ја моќта на кумулативниот ефект за да го постигнете успехот кој го посакувате.

    Оваа книга се базира на принципот дека одлуките што сите ги носиме во животот се оние кои ја обликуваат нашата „судбина“ и нашиот пат во животот. Малите секојдневни одлуки или водат до живот каков што сите посакуваме или пак до катастрофа. Дарен Харди, авторот и издавач на списанието УСПЕХ, направил збир на основните принципи кои се заслужни за најфеноменалните достигнувања во бизнисот, врските и општо во сите аспекти на животот.

    Оваа книга треба да ја прочита секој кој копнее по нешто, без разлика дали тоа се однесува на подобра кариера, поуспешни и поисполнителни љубовни врски, подобро физичко здравје и тело, раст и усовршување или кој било друг аспект… бидејќи е како оперативен систем кој ви овозможува да го умножувате вашиот успех, да го бележите напредокот и да постигнете сè што сакате во животот.


  • img-book

    Кога поради сериозна повреда останува без работа и практично живее на каучот на сестра му, познатиот професионален рагбист Луис Хаус сфаќа дека мора да направи некоја промена во животот. Почнува да контактира со луѓе на кои им се воодушевува, во потрага по ментори, а и да ги применува советите на старите тренери, пренасочувајќи ги од спортот директно во животот. И успева да изгради мултимилионски онлајн бизнис.

    Во Школа за извонредност, Хаус ги споделува најважните совети и навики на голем број извонредни луѓе, сѐ што дознал од нив за тоа како да се живее извонреден живот. Низ разговори со спортски шампиони и бизнисмени милијардери, Хаус се обидува да открие што е потребно за да бидеме извонредни во животот, успешни на секое поле, и да достигнеме величие кое не го достигнува баш секој. И сфаќа дека овие великани не се успешни затоа што им се насмеала среќата во животот или едноставно се родени исклучително талентирани, туку имаат одредени навики и алатки со кои ги надминуваат пречките во животот.

    Школа за извонредност е водич за личен развој кој ви дава алатки, знаење и ресурси за остварување на вашиот максимален потенцијал. Лекциите на Хаус докажуваат дека секој е способен за постигнување исклучителен успех и дека сите можеме да се стремиме кон извонредност во нашите секојдневни животи.


  • img-book

    Сте слушнале ли за инстаграм-профилот Мои финансии? На колкумина од вас лекциите што сте ги нашле на овој профил веќе ви помогнаа да се стекнете со потребното знаење за подобро управување со парите? Сите знаеме дека финансиите во голема мера господарат со нашиот живот. Доколку добро ги раководиме, ќе имаме и многу поголема контрола врз него.

    Овој финансиски планер ќе ви помогне да ја остварите таа цел. Во него ќе најдете:
    • 12 финансиски лекции
    • финансиски цели и стратегии
    • планирање на вашите намирници и оброци
    • брзо и едноставно создавање на месечен буџет
    • табели за следење на дневните и други трошоци
    • планови за заштеда и побрза исплата на долгови


    Мои финансии од: 780 ден
  • img-book

    Сурово искрена формула за победување во бизнисот, спортот или која било арена во која битката е безмилосна од престижниот тренер за врвни резултати меѓу чии ученици се вбројуваат Мајкл Џордан, Коби Брајант и Двејн Вејд.

    Со „Победување“ Тим Гровер докажува зошто е еден од најбараните експерти за успешен начин на размислување што непогрешно води до победа. Врз основа на своето 30-годишно искуство, тој ги отстранува клишеата и претерано ентузијастичкото бодрење кои создаваат просечност и ве повикува решително да ја предизвикате реалноста. Која е наградата? Огромен успех.

    Ако сте навлечени на вкусот на успехот и сакате уште, тогаш сте подготвени за оваа стратегија за изведба. Ако веќе победувате и сакате да научите како да стигнете до нивото на најголемите – оваа книга ќе ви го покаже патот.

    „Тим Гровер е експерт за умствена сила. Со оваа книга-прирачник ќе откриете што сте способни да постигнете, резултати што не можете ни да ги замислите, достигнувања до највисокото ниво на успехот – дури и повисоко.“ Коби Брајант

    „Имам неверојатна верба и доверба во Тим Гровер.“

    Двејн Вејд


    Победување од: 420 ден
  • img-book

    Со оваа фасцинантна збирка на записи од Џеф Безос – оригиналните годишни обраќања до акционерите, заедно со бројни говори и интервјуа коишто го откриваат неговиот живот, работа и развојот на неговите идеи – ќе ја разберете заднината на неговиот феноменален успех во деловниот свет.

    Опфаќајќи многу теми од областа на бизнисот и политиката, од иновациите и опседнатоста со корисниците, па сè до климатските промени и освојувањето на вселената, оваа книга нуди редок увид во начинот на размислување на Безос, но и поглед во блиската иднина во чие обликување тој непосредно учествува. Книгата е напишана во директен, јасен стил и содржи неизоставни лекции за безнис-вредностите, стратегијата и извршувањето на деловните замисли.

    Покрај тоа, авторот на читателот му нуди и необично јасни и разбирливи излагања на многу поими од областа на бизнисот, финансиите, јавните политики, објаснети на оригинален и лесно сфатлив начин од страна на еден од најбогатите луѓе во историјата на човештвото.

    Оваа книга е неизоставно четиво за секој што сака да разбере како визионерството на само еден човек има моќ да ги унапреди животите на милиони други, и тоа на конкретен, опиплив начин. Раководители, претприемачи кои штотуку почнуваат, но и милионите потрошувачи на производите и услугите што ги нудат претпријатијата на Џеф Безос – со оваа книга сите имаат можност да ги разберат принципите на успехот на еден од најважните иноватори на денешнината.


  • img-book

    Моќта на секоја организација е одредена пред сè од способноста на нејзините менаџери. Сакате да бидете незаменливи во вашата компанија? Едноставно – подобрете ги своите менаџерски вештини.

    Во овој корисен мал прирачник експертот за личен развој Брајан Трејси ви го открива лесниот пат до:

    • продуктивно доделување задолженија
    • отстранување на дразбите што го одвлекуваат вниманието и насочување кон високоисплатливи активности
    • дефинирање полиња за клучни резултати
    • ефикасно вработување и отпуштање
    • создавање врвен тим на посветени работници
    •одржување конструктивни состаноци
    • поттикнување на тимскиот дух
    • јасно комуницирање
    • давање личен пример
    • брзо носење добри одлуки, и уште многу други нешта.

    Направете ја оваа книга свој личен водич на патот кон успехот! Нејзините испробани техники ќе ви покажат како да го извлечете најдоброто од своите вработени – и да достигнете нови височини во сопствената кариера.


    МЕНАЏМЕНТ од: 250 ден
  • img-book

    ТАЈНИТЕ НА ЛИДЕРСТВОТО ШТО ГИ УПОТРЕБУВААТ ЕКСПЕРТИТЕ И ВРВНИТЕ ПРОФЕСИОНАЛЦИ.Постигнете брзи резултати со овој едноставен водич низ основите на лидерствотоВо оваа книга ќе откриете како:да развиете сопствен лидерски стилда ги идентификувате стратешките цели во вашата организацијада мотивирате и менаџирате тимови од различна големинада изградите култура на резултати и одговорностда водите во услови на криза


  • img-book

    Мисли и збогати се е можеби најважната книга за успехот некогаш напишана, и поради неа Наполеон Хил се смета за татко на целата мотивациска литература што се пишува и денес.

    Хил посветува цели 25 години со намера да ја открие тајната за стекнување на богатство и да одговори на прашањето Што е она што те прави победник? Резултат на истражувањето на карактеристиките и особеностите на преку 40 милијардери, Хил развива 13 принципи во форма на филозофија за личен развој и успех. Книгата се темели на тврдењето дека секоја индивидуа која има желба, верба и истрајност, може да стигне до зацртаната цел без разлика колку недостижно и да изгледа. Ако можеме да научиме да мислиме како милијардер, тогаш може и да почнеме да се однесуваме така, и на крајот да станеме еден од нив.

    Нарекувајќи ја „најдобрата формула за успехот“, оваа книга е досега продадена во повеќе од 70 милиони примероци. Следејќи ги овие правила и совети, успехот во бизнисот но и во секоја друга сфера од животот станува извесен. Не го оставајте успехот за утре, прочитајте уште денес!

    Во текот на изминатите дваесет и пет години уживам во среќа и благосостојба повеќе отколку што заслужува секој човек, но ме полазуваат морници кога ќе си помислам каде би бил денес и што би правел да не дојдев во допир со филозофијата на Наполеон Хил. Тоа ми го смени животот. Ог Мандино, Најголемиот трговец на светот


  • img-book

    Базирана на дваесетгодишното истражување и предавања на повеќе од 5 милиони бизнис-лидери ширум светот, оваа книга е синтеза на најдобрите и најпрактичните техники за поставување и постигнување на личните и финансиските цели. Трејси, со консултантско искуство во повеќе од 500 корпорации, меѓу кои IBM, Ford, Xerox, и Hewlett-Packard, ги објаснува клучните елементи за поставување на цели и неопходните чекори за нивно остварување.
    Своите извонредни размислувања, Трејси ги преточува во практични чекори за иницијатива.

    Во оваа книга тој ве води низ целиот процес на поставување на цели – од почеток до крај – а кога ќе ја прочитате ќе имате буквално сè што ви е потребно за:
    – Да направите повеќе пари
    – Да ги подобрите своите врски
    – Да имате подобро здравје и повеќе енергија
    – Да постигнете финансиска независност

    Цели! ви нуди детален процес за трансформирање на вашите соништа во реалност.

    Брајан Трејси е претседавач и извршен директор на Брајан Трејси интернешенал, компанија која е специјализирана за обука и раз­вој на поединци и организации. Мисијата на Брајан Трејси е да ви помогне да ги достигнете личните и професионални цели побргу и полесно одошто некогаш сте замислувале. Неговите говори и семинари за лидерство, продажба, самопочитување, цели, стратегија и креативност ги слушале повеќе од 5 милио­ни луѓе во 10.000 компании ширум Америка, како и во 55 други земји ши­рум светот. Неговите возбудливи говори, семинари и книги носат брзи промени и долготрајни резултати. Брајан Трејси е еден од најпродаваните автори во светот. Има напишано 50 книги и реализирано повеќе од 400 аудио и видеопрограми за учење, преведени на 36 јазици ширум светот.


    ЦЕЛИ од: 400 ден
  • img-book

    Вашиот успех  најмногу зависи од способноста што ја имате за управување со времето. Едноставно е: колку подобро го користите времето толку повеќе ќе постигнете!Овој концизен водич открива 21 докажани техники за управување со времето, кои можете да ги употребите веднаш за да добиете барем два продуктивни часа на ден.Проучувајќи ги стратегиите што експертот Брајан Трејси ги идентификува како најефикасни и самиот ги употребува, оваа корисна книга ќе ви открие како можете:

    • Да ги контролирате состаноците, имејловите, телефонските повици и безбројните прекини во работата

    • Да го распределите времето на врвни приоритети

    • Да работите на слични задачи за да го задржите фокусот

    • Да го надминете одложувањето

    • Да одредите кои работи може да ги заврши некој друг

    • Да работите наназад од иднината, со цел да се осигурате дека сте ги исполниле целите

    Исполнета со мудроста на Брајан Трејси и лесна за примена, оваа книга ќе ви помогне да постигнете повеќеза помалку време и со многу помал стрес.


  • img-book

    ТАЈНИТЕ НА ПРЕЗЕНТИРАЊЕТО ШТО ГИ КОРИСТАТ ЕКСПЕРТИТЕ И ВРВНИТЕ ПРОФЕСИОНАЛЦИ. Постигнете брзи резултати со овој едноставен водич низ основите на презентирањето Во оваа книга ќе откриете како: Да уживате во презентирањето и да му пријдете со самодоверба Да ја процените публиката и нејзините реакции Да подготвите максимално влијателни презентации Да ги користите гласот и телото за да ја објасните поентата Да користите визуелни помагала Да одговорите на секакви прашањата


  • img-book

    ТАЈНИТЕ НА УСПЕХОТ НА ДРЕВНИТЕ НАРОДИ – СИГУРЕН ПАТ КОН СРЕЌА И ПРОСПЕРИТЕТ

    Безвременото дело Најбогатиот човек на Вавилон го содржи клучот на сите ваши желби и на сè што сакате да постигнете. Оваа книга досега им ја откри својата тајна за збогатување на безброј читатели.

    „Вавилонските параболи“ запишани на глинени плочки се еден од аманетите што ни ги оставил древниот народ. Овие инспиративни и поучни приказни за економичноста, планирањето на финансиите и личното богатство ве упатуваат кон вистинскиот пат на успехот и радостите што го следат. Потврден како класика на модерното време, овој славен бестселер ви нуди длабоко разбирање и едноставно решение на личните финансиски проблеми.

    Најбогатиот човек на Вавилон е книга што ги содржи тајните за тоа како да стекнете пари и како да ги натерате парите да работат за вас и да ви донесат уште поголемо богатство – и материјално, но и духовно. Прочитајте ја и препорачајте им ја на оние што ги сакате, ширејќи ја оваа древна мудрост.