Веќе се докажа дека сите си ги сакаме овие книги во стилот на „Очајни домаќинки“… Стилот на Ејми Молој во книгава ме потсетуваше на Мориарти, а самото тоа што се работи за 4-5 жени уште повеќе го засили впечатокот. Ја читав книгава уште кога не беше официјално излезена и мило ми е поради тоа, бидејќи немаше простор туѓи мислења и оцени да влијаат на оформување на мојата. Сега гледам дека веќе има оцени од скоро 30.000 читатели на GR, но мојата оцена дефинитивно е повисока од групната.
Книгава годинава беше нарекувана „најисчекувана книга на летото“, а наскоро ќе биде и филм со Кери Вашингтон во главната улога. Станува збор за доста заразен психолошки трилер за група жени кои се зближуваат кога исчезнува новороденчето на едната од нив, бидејќи се членови на истата група на мајки кои се сретнуваат во градскиот парк секоја недела. Бидејќи целите животи сега им се вртат само околу бебињата, се договараат една вечер да излезат сами и да се олабават малку. Едната од нив, самохраната мајка Вини, не е расположена да го остави бебето со дадилка, но сите останати ја убедуваат дека сè ќе биде океј, па таа најпосле попушта. И вечерта додека тие се излезени, нејзиното бебе го снемува од дома. И сега знаете, следи паника и вперување прст – сите бараат виновник за едно или за друго, некој мора да ја понесе вината. Новинарите ѝ се сипуваат најпрво на мајката; како можела да го остави новороденчето со непозната, каде била таа вечерта, кој е татко на бебето и така натаму.
Ова не е една од оние книги со нови пресврти во секоја глава, па можеби затоа некои очекувале повеќе од неа – не, овде дејствието е повеќе водено од ликовите и ако се поврзеш со нив како што треба, тогаш приказната се чита за една вечер, просто не ти се остава. Ја имаме најпрво Нел, која цела книга ме засмеваше со саркастичната смисла за хумор, но која очигледно крие некоја голема тајна од сите. Потоа Колет, која очигледно има прекрасен маж и доста пари, но и храброст што може да ѝ донесе големи проблеми. И на крај, симпатичната Френси, паничарката која најмногу се вознемирува од киднапирањето, до степен што почнува да станува дури и сомнителна. Дали е Френси толку невина колку што се прави или…?
Оваа книга многу добро овозможува да се ѕирне како е во животот на секоја тазе мајка и одлично покажува дека не постои такво нешто како „совршена мајка“. Најмногу ќеф ми направи крајот – да бидам искрена, не го очекував; очекував нешто тотално друго, а тоа дефинитивно е достигнување, нешто од трилери да ме изненади мене. Плус, пак си заплакав малку за негативецот – тоа е таа тежина кога ќе успее да те погоди приказна. Па, се надевам дека ќе ја прочитате и дека ќе ја доживеете како и јас. Едвај чекам да го гледам филмот!
Биле Ќ. – :
Ја прочитав оваа 2022 година, и се прашувам што сум чекала до сега. Одлична книга, трилер на место, доста реално опишувано, и приказната.. Леле значи навистина убаво скроена, ја замислувам во филмска верзија.
Сандра – :
Одлична! Оваков стил барам и во другите автори
Менка – :
Ќе ја паметам како една од најдобрите книги што сум ги прочитала. Напишана со многу реалистичен стил и од почеток до крај го задржа целото мое внимание.
Слаѓан – :
Еден од најдобрите прочитани трилери за оваа година – брутален и вознемирувачки.
Ликовите на Кејт и Џон се одлично претставени! Се очекуваат уште преводи од Кастиљо 🙂
Јана – :
Некои вистини се толку ужасни, што е подобро никогаш да не се разоткријат… Некои злосторства се премногу незамисливи за да бидат решени …
Дејството се одвива во мало, мирно рурално гратче во Охајо каде Амишите и другите жители живеат спокојно. Но таа спокојност е разнишана од серија брутални убиства пред 16 години , а сагата се повторува и сега. Низата убиства на млади девојки убиени на ист начин како и порано водат до заклучок дека делата ги сторил истиот извршител . Но дали е тоа можно? Сите веруваат дека е пак тој ,,Убиецот од кланицата” , но само Кејт (началничка и бивш Амиш) знае дека тоа е невозможно. Сака да ја потврди таа теза,па копа во минатото кое скоро е целосно заборавено , но не и преболено. Насекаде ја следат нејзините демони и мрачните тајни од минатото. Време е повторно да се соочи со нив колку и тоа да е тешко за неа и нејзиното Амишко семејство, од кое одамна е откажана бидејќи не се пронаоѓа во таквиот покорен начин на живот. Нејзините амбиции се преголеми. Но дали се доволни овојпат да го фати злосторникот и да запре уште едно убиство ?
Книгата лично многу ми се допадна. Запознав една нова култура – културата на Амишите и нивниот начин на живот. Од Кејт научив дека во ред е секој да чекори по својот пат , безразлика дали тоа му се допаѓа на другите околу нас. Дејствата на извршителот се опишани до најмал детаљ , па доколку имате осетлив стомак немојте да ја читате 🤭 Но тоа е и суштината на трилерите, да не размрдаат, да не згрозат. Ја препорачувам на сите кои сакаат трилери и уживаат во нив исто како и јас. Од мене 5 ⭐⭐⭐⭐⭐ !! ❤😇😍
Nadja – :
Една од моите омилени за годинава!
Тоолку убав стил на пишување и приказна која, покрај бруталноста, дава надеж. Од срце ја препорачувам на љубителите на крими-трилери! 💙