-
Лиен Мориарти
Тајната на сопругот
од: Лиен МориартиВо срцето на Тајната на сопругот лежи писмо кое не смее да биде прочитано…
390 ден
Моментално недостапна
Во срцето на Тајната на сопругот лежи писмо кое не смее да биде прочитано…
Драга моја Сесилија, ако го читаш ова, тоа значи дека јас сум мртов…
Замислете дека сопругот ви напишал писмо, писмо кое треба да се отвори по неговата смрт. Исто така замислете дека писмото ја содржи неговата најдлабока, најмрачна тајна – нешто што има потенцијал да ги уништи животите на повеќе луѓе, не само вашиот совршен живот кој го имате изградено заедно. Потоа замислете дека сосема случајно го наоѓате заталканото писмо додека вашиот сопруг сè уште е многу… жив.
Сесилија Фицпатрик има постигнато сè: таа е неверојатно успешна бизнисменка, страшно почитувана жена во заедницата, посветена сопруг на својот совршен сопруг и прекрасна мајка на три деца. Нејзиниот живот е совршен и беспрекорен како и нејзиниот дом. Но ова писмо ќе смени сè и тоа не само за неа.
Сите ние имаме тајни, но не како оваа….
Прекрасна драма исполнета со мистерии во која особено ќе уживаат љубителите на хит серијата Очајни домаќинки.
ISBN: 978-608-4672-27-2
Издавач: Издавачка куќа Сакам Книги
Година на издавање: 2013
Број на страници: 360
-
Првиот последен бакнеж
Како се задржува љубовта која полека ви се лизга низ прсти? Може ли човек да го заборави минатото кога знае што носи иднината? И каде се наоѓаат сили кога знаеш дека секој бакнеж е одбројување до збогување?
Првиот пат кога Моли го бакнува Рајан, таа уште веднаш знае дека тие ќе бидат заедно засекогаш. Шест години и илјадници бакнежи подоцна, Моли е мажена за човекот кој го сака. Но денес, додека Рајан ја бакнува, Моли сфаќа колку многу бакнежи залудно потрошила и загубила, бидејќи иднината носи нешто што ниеден од нив двајца не можел да го замисли и предвиди…
Ова е приказната на Рајан и Моли, ова е приказната која ќе ви раскаже како се запознаваат, вљубуваат, изневеруваат, разочаруваат и разделуваат. Ова е приказна за љубовна афера. Ова е приказна која трае цел живот, а истовремено приказна која завршува прерано. Приказна која ќе ве насмее и расплаче. Приказна која ќе ви го скрши срцето со таква нежност што ќе молите за уште. Ова е приказна за еден прв бакнеж, но и за еден последен бакнеж…
Сакам книги ви ја препорачува со чиста совест и цело срце – ова е книгата која не смеете да ја пропуштите во 2013 година!
-
Големи мали лаги
Училиштето Пириви е мало, прекрасно основно школо во близина на плажа каде децата учат дека насилството е неубаво и недозволиво. Но и покрај тоа, еден вечерен, родителски училишен настан се претвора во хаос и завршува со смртен случај. Пиштат сирени. Врескаат луѓе. Еден родител е мртов. Дали станува збор за убиство, трагична несреќа или нешто сосема трето? Родителите во Пириви ќе откријат дека малите лаги понекогаш можат да бидат најсмртоносни…
Големи мали лаги е мистерија која ги следи животите на три жени и опасните мали лаги кои си ги кажуваат за да преживеат. Медлин е енергична кавгаџика која дава душа за своите пријателки. Таа е разведена и стравува дека бившиот маж ќе ѝ го земе детето. Селест е една од оние неверојатно убави жени кои прават светот да застане и зјапа во нив. Таа има убавина, пари, две близначиња и прекрасен маж. Но дали нејзиниот живот е толку совршен како што изгледа? Џејн е млада самохрана мајка со преголема тајна за своите години. Трите жени се спријателуваат без да знаат дека нивното пријателство ќе заврши со голема трагедија.
Големи мали лаги е книга што не се остава, книга што ќе ве натажи и насмее, книга што ќе ве натера да размислувате. Ова е книга што не смеете да ја пропуштите.
-
Без страв
Која е најтешката работа што некој би можел да ја побара од некого?
Тревис Морисон е нуркач шампион и едно од најпопуларните деца во неговото училиште. На првиот ден од летниот распуст, додека се вози со чамец на езерото со неговите пријатели, Тревис одлучува да скокне од една од највисоките и најопасните карпи. Додека паѓа кон водата, нешто што успешно го има направено илјадници пати во животот, нешто тргнува во лош правец. Тревис се плаши дека ја скршил ногата, но тестовите во болницата откриваат ретка форма на рак на коски и со цел да му го спасат животот, докторите им кажуваат на неговите родители дека ќе мора да му ја ампутираат ногата.
Животот на Тревис и на сите останати околу него се менува преку ноќ… Тревис е убеден дека тој и само тој треба да одлучува за својот живот. Тој има план, но не може да го реализира сам. Дали ќе успее да го убеди неговиот најдобар пријател, неговата девојка или неговата сестра… кој било, да му го исполни најважното барање што постои?
-
Крадец на колачиња (101 инспиративна приказна)
Секој живот е приказна која вреди да се раскаже.
Секој од нас доживува и преживува настани кои самите по себе се уникатна приказна.
Во тешкото и искушувачко време во кое живееме, навистина е лесно човек да се изгуби и да заборави на вистинските вредности во животот. Оваа книга е вистинска врска со човечното, потсетник за она што е важно во животот. Книгата содржи 101 приказна, секоја уникатна и прекрасна сама по себе, секоја со различна поука и порака која треба да нè потсети на сите работи кои понекогаш ги забораваме. Може да ја чита буквално секој читател од најрана, па до најстара возраст. Приказните се прилично едноставни, како да ги слушате од дете, а сепак сложени и тешки, како да ги раскажува најголемиот мудрец на светот.
Ова е книга која вреди секој да ја има во својата домашна библиотека за да може да посегне по неа секогаш кога ќе почувствува дека губи дел од човечното во себе…
Совет: имајте шамиче во близина кога ќе ја читате оваа книга. Да, длабоко вистинити, страшно тешки и сериозно блиски до секој од нас, овие приказни имаат голема моќ да изнудат солза и од најсилните…
Марија – :
Убава приказна која вреди да се прочита,и ако не сум многу воодушевена од книгата сепак таа испраќа силна порака.Ми се допадна начинот на кој е напишана и начинот каде преку испреплетени приказни доаѓаме до заклучок.Крајот на книгата ми донесе многу прашања и сфатив дека за грешките што си ги сторил во минатото плаќаш во иднината на полесен или потежок начин(исто како и приказната на Сесилија и Џон Пол),понекогаш можеш да бидеш изневерен дури и од најблиските или од оние што најмалку очекуваш и не секогаш можеме да знаеме што навистина им се случило на луѓето и нашите најблиски…Топло ја препорачувам и верувајте дека во животот не е се така како што изгледа🙂
Стефани (го има купено овој производ од сајтот) – :
Одлична приказна!😊😍 Јас ја открив тајната,а вие?😜
Маја – :
Ми се допадна! Ја прочитав во еден здив, од што сакав да дознам што ќе се случи на крајот. Стилот на пишување одличен, мистерија, ама знае и да те насмее. Ми се допаѓаат вакви книги кои содржат многу ликови, чии приказни се испреплетени. Од овој аспект ќе кажам дека приказната за Тес малку ме заморуваше, и не дека она на крајот ги почувствува последиците од тајната на сопругот, како што пишува во содржината на книгата. Мислам знам дека е детаљ ама јас цело време чекав на тоа:) исто и малку крајот ми беше конфузен, ми наметна прашања па почнав да гуглам за да ја увидам локиката на настанот, ама од друга страна покажа дека некогаш во животот не е се како што изгледа и дека понекогаш може многу да грешиш. Топло ја препорачувам.
Slobodanka – :
Ubava i pitka, so kraj koj ispolnuva
Александар Николовски – :
Супер стил на пишување, авторката ме освои уште од првата страница 4.25/5, под итно да си ја прочитате!
Слаѓан Бишковски – :
Преубава драма, полна со мистерија и пресврти 🙂