View Cart “Сосед од пеколот” has been added to your cart.
  • img-book

    Џули Џејмс


ISBN: 978-608-65234-5-9

Само најсекси маж кој постои

од: Џули Џејмс
5 од 5 од 4 оцени на читатели
4 оцени од читатели

ТЕЈЛОР ДОНОВАН
Млада, успешна адвокатка која си ја обожава својата професија. Паралелно со судењето, на Тејлор ѝ доделуваат нова задача во која е инволвиран еден познат актер. Колку познат?

ЏЕЈСОН ЕНДРУС
Смртоносна комбинација на интелигенција, сексипил и шарм. Има ли потреба таа да биде загрижена што наеднаш треба да соработува со најпосакуваниот маж на денешницата… Дали нејзината професионалност за првпат ќе биде ставена на тест? Хммм… Ма ти се молам – па зборуваме за Тејлор Донован овде! Жената која не се скрши ни кога ја раскина својата веридба пред некој месец. Што си мислат луѓето, кој е тој? НАЈСЕКСИ МАЖ НА СВЕТОТ??? 

Ќе го поремети ли Господинот Холивуд нејзиниот совршен, педантен свет во кој сè е подредено на кариерата? Може ли некој да ја расплаче Тејлор – онаа која знае дека во „бејзболот нема плачење“?

НАЈПРОДАВАНАТА РОМАНСА НА САКАМ КНИГИ!

button-new

390 ден

Моментално недостапна

Клучни зборови: , ,
Запознајте се со авторот
avatar-author
- Julie James - 1974
Џули Џејмс од адвокат во Чикаго се претвори во најпродаван автор на Њујорк Тајмс. Нејзините книги се наоѓаат на многубројни светски листи во Топ 10 Романси на Годината. Нејзините книги се преведени на седумнаесет јазици, а бројката постојано расте.
Книги од Џули Џејмс
Рецензија на уредник

Која е Тејлор Донован? Тејлор Донован веќе 7 години работи за една од најдобрите адвокатски компаниии во Чикаго. Таа е толку добра, врвот на најдобрите и сите најтешки случаи паѓаат во нејзини раце. Сега, ја праќаат во Лос Анџелес за да работи на актуелен случај за сексуална злоупотреба во кој е инволвиран познат ланец на маркети. Таа е одличен адвокат, а ова е прекрасна можност самата себеси уште еднаш да си докаже колку е добра во својата работа, но и да им се заблагодари на своите родители кои се жртвуваа за таа да се здобие со најдоброто и најскапото образование. Млада, успешна и ја обожава својата професија. Звукот на звонењето на телефоните во канцелариите на адвокатската компанија, принтерите кои бучат додека ги печатат извештаите за случаите, викањата по судниците… тоа е мелодија за нејзините уши. Таа не е само убиствено добар адвокат…. таа е воркoхолик.

Кој е Џејсон Ендрус? Чекај, чекај – што е ова? Паралелно со судењето на Тејлор ѝ доделуваат нова задача во која е инволвиран еден познат актер. Колку познат?

Па да речеме дека Бред Пит може да му носи вода. Џејсон Ендрус е смртоносна комбинација на интелигенција, сексипил и шарм. Нешто како Кларк Гејбл или Кери Грант, само уште подобар. Има ли потреба таа да биде загрижена што наеднаш треба да соработува со најпосакуваниот маж на денешницата… со Богот на Сексипилноста? Мислам, таа е сепак професионалец… А тој? Тој е само еден обичен актер. Добро де, познат и до болка привлечен актер. Милиони мисли ѝ се мотаат во главата додека ја напушта канцеларија на својот претпоставен кој ѝ го дава новиот случај. Дали нејзината професионалност за првпат ќе биде ставена на тест? Хммм… Ма ти се молам – па зборуваме за Тејлор Донован овде! Жената која не се скрши ни кога ја раскина својата веридба пред некој месец. Нема ништо што би можело да ја помести нејзината емотивна рамнотежа. Зарем тоа може да го направи еден обичен актер кој дури не го ни познава. Што си мислат луѓето, кој е тој? НАЈСЕКСИ МАЖ НА СВЕТОТ??? Луѓето кои тоа го мислат не знаат што е 24/7 работа и труд вложени во својата кариера. И нема НИКОЈ, АПСОЛУТНО НИКОЈ да ја загрози нејзината работа… и ја прикаже како недоделкан тинејџер.

Тоа е тоа, нејзиниот збор секогаш мора да биде последен! Но, сепак таа го видела на малите екрани… И тој е неодолив. И згоден. Шармантен. Но и дрзок. Арогантен. Самобендисан. Тоа е човекот кој на национална телевизија изјавува дека секоја жена ја третира како ново сценарио: Ако не му го задржи вниманието после саат време, тој сценариото го фрла!

Уффф… Ќе го поремети ли Господинот Холивуд нејзиниот совршен, педантен свет во кој сè е подредено на кариерата? Може ли некој да ја расплаче Тејлор – онаа која знае дека во „бејзболот нема плачење“?

НАЈПРОДАВАНАТА РОМАНСА НА САКАМ КНИГИ!

Детали

ISBN: 978-608-65234-5-9
Издавач: Издавачка куќа Сакам Книги
Година на издавање: 2011
Број на страници: 352

  1. :

    5 out of 5

    Книгата ме воодушеви ! Седнување и заборавање нема стоп до крај ! Ја препорачувам кој не ја читал нема да погреши

  2. :

    5 out of 5

    Книга која се чита во еден здив. Гламурозност, хумор, романса… Одлична книга

  3. :

    5 out of 5

    Досега од Џули Џејмс лоша книга немам прочитано…И за секоја следна велам оваа беше најдобра…Одлична книга

  4. :

    5 out of 5

    Првата книга од Џули што ја прочитав и според мене, најдобра!