-
Алекс Мајклидис
Немата пациентка
од: Алекс МајклидисАлисија Беренсон има навидум совршен живот. Таа е позната сликарка мажена за популарен и баран моден фотограф, живее во грандиозна куќа со огромни прозорци со поглед кон парк во една од најелитните населби во Лондон. Една вечер, нејзиниот сопруг Габриел се враќа дома доцна од фотосесија, и Алисија му пука петпати во лице, а потоа никогаш повеќе не прозборува ни збор.
Нејзиното одбивање да зборува или да даде какво било објаснување ја претвора оваа домашна трагедија во нешто многу поголемо, мистерија која ја потпалува имагинацијата на јавноста и ја прави Алисија уште поозлогласена. Цената на нејзините уметнички дела вртоглаво расте, а таа, немата пациентка, е скриена од таблоидите и рефлекторите во обезбеденo психијатриско одделение во Лондон.
Тео Фабер е психијатар за криминалци кој многу долго ја чека можноста да работи со Алисија. Неговата одлучност да ја натера да прозбори и да ја разоткрие мистеријата за тоа зошто го застрелала нејзиниот сопруг се испреплетува со неговите сопствени мотиви – потрага по вистината што не му дава мир. Зошто му е пак нему сево ова толку важно?
450 ден
Проверете подоцна…
ISBN: 978-608-260-022-2
Издавач: Издавачка куќа Сакам Книги
Година на издавање: 2019
Број на страници: 350
-
Во одбрана на Џејкоб
Енди Барбер работи како јавен обвинител подолго од дваесет години. Тој е страшно почитуван во нивниот мал град, непобедлив во судницата и среќен во својот дом со својата сакана сопруга и нивниот син, Џејкоб. Но кога грозоморно злосторство го потресува нивниот град, Енди е затечен неподготвен од она што се случува следно: неговиот четиринаесетгодишен син е обвинет за убиство на друго дете, соученик од неговото училиште.
Секој родителски инстинкт кој Енди го има му вели да си го заштити детето. Џејкоб ги уверува своите родители дека е невин и Енди му верува. Енди мора да му верува. Тој му е татко. Но како што на површина почнуваат да излегуваат осудувачки факти и шокантни откритија, така бракот на Енди почнува да се распаѓа, а судењето да станува сè пожестоко и Енди сфаќа колку малку знае еден татко за својот син. Наспроти онаа во судот, во Енди се води уште една битка: помеѓу лојалноста и правдата, помеѓу минатото кое се обидува да го скрие и иднината која не може да му ја обезбеди на својот син единец.
Правен трилер кој ќе ве остави без сон, ќе ве натера да седите на работ од столчето и да ги гризете ноктите. Ако не ја прочитате оваа книга, само вие губите… Господине Гришам, повлечете се.
-
Големи мали лаги
Училиштето Пириви е мало, прекрасно основно школо во близина на плажа каде децата учат дека насилството е неубаво и недозволиво. Но и покрај тоа, еден вечерен, родителски училишен настан се претвора во хаос и завршува со смртен случај. Пиштат сирени. Врескаат луѓе. Еден родител е мртов. Дали станува збор за убиство, трагична несреќа или нешто сосема трето? Родителите во Пириви ќе откријат дека малите лаги понекогаш можат да бидат најсмртоносни…
Големи мали лаги е мистерија која ги следи животите на три жени и опасните мали лаги кои си ги кажуваат за да преживеат. Медлин е енергична кавгаџика која дава душа за своите пријателки. Таа е разведена и стравува дека бившиот маж ќе ѝ го земе детето. Селест е една од оние неверојатно убави жени кои прават светот да застане и зјапа во нив. Таа има убавина, пари, две близначиња и прекрасен маж. Но дали нејзиниот живот е толку совршен како што изгледа? Џејн е млада самохрана мајка со преголема тајна за своите години. Трите жени се спријателуваат без да знаат дека нивното пријателство ќе заврши со голема трагедија.
Големи мали лаги е книга што не се остава, книга што ќе ве натажи и насмее, книга што ќе ве натера да размислувате. Ова е книга што не смеете да ја пропуштите.
-
Понекогаш лажам
Побарајте подоцна.
Нина – :
Предобар трилер, се чита во еден здив…со малку избрзан крај…
Вреди да се прочита…
saramastoridis – :
Одличен трилер со разочарувачки и избрзан крај.
Стефани – :
Ми беше супер трилерче,ама крајот ептен ме разочара.Целата книга и приказна одлично скроена,заплетите перфектни,на моменти ти се одзема здивот,за на крај со трчање колку да се напише нешто.Мислам дека да имаше уште неколку страни плус дообјаснување,приказната ќе беше врвна.Секако вреди да се прочита.😊
Слаѓан – :
Се чита страшно брзо (не повеќе од два дена), има супер пресврт што воопшто не го очекував!
Одличен заплет, убаво е доловена психолошката состојба на ликовите, лесен стил на пишување; ја препорачувам 🙂
Milka – :
Ovekuvav poveke. Precenata
popovska.monika – :
Предобар трилер. Неочекуван крај
Денис – :
Врв
Наталија – :
Врвен трилер, го прочитав на едно седнување.
Maja – :
Добар трилер Можеби ќе му дадев повеќе ѕвезди да не беше чувството дека некој ме лажел цело време. Така се осетив со оваа книга и тоа е она што ми пречи кај психолошките трилери кои се пишуваат во последно време. Така е ама не е така. И оној diary thing… Во последно време сите книги го имаат. кај Ејми ја нема ми беше совршено прикажан, тука ми беше таа приказна полна со нелогичности… давање на дневнкот, па повторно враќање…како и да е интересен plot, и во секој случај брзо се впива приказната.
Магдица Минов (го има купено овој производ од сајтот) – :
Ако ова е прво дело на авторот, што ќе биде следно? Предобар трилер кој не се испушта од рака, а крајот непредвилив.