Која е Тејлор Донован? Тејлор Донован веќе 7 години работи за една од најдобрите адвокатски компаниии во Чикаго. Таа е толку добра, врвот на најдобрите и сите најтешки случаи паѓаат во нејзини раце. Сега, ја праќаат во Лос Анџелес за да работи на актуелен случај за сексуална злоупотреба во кој е инволвиран познат ланец на маркети. Таа е одличен адвокат, а ова е прекрасна можност самата себеси уште еднаш да си докаже колку е добра во својата работа, но и да им се заблагодари на своите родители кои се жртвуваа за таа да се здобие со најдоброто и најскапото образование. Млада, успешна и ја обожава својата професија. Звукот на звонењето на телефоните во канцелариите на адвокатската компанија, принтерите кои бучат додека ги печатат извештаите за случаите, викањата по судниците… тоа е мелодија за нејзините уши. Таа не е само убиствено добар адвокат…. таа е воркoхолик.
Кој е Џејсон Ендрус? Чекај, чекај – што е ова? Паралелно со судењето на Тејлор ѝ доделуваат нова задача во која е инволвиран еден познат актер. Колку познат?
Па да речеме дека Бред Пит може да му носи вода. Џејсон Ендрус е смртоносна комбинација на интелигенција, сексипил и шарм. Нешто како Кларк Гејбл или Кери Грант, само уште подобар. Има ли потреба таа да биде загрижена што наеднаш треба да соработува со најпосакуваниот маж на денешницата… со Богот на Сексипилноста? Мислам, таа е сепак професионалец… А тој? Тој е само еден обичен актер. Добро де, познат и до болка привлечен актер. Милиони мисли ѝ се мотаат во главата додека ја напушта канцеларија на својот претпоставен кој ѝ го дава новиот случај. Дали нејзината професионалност за првпат ќе биде ставена на тест? Хммм… Ма ти се молам – па зборуваме за Тејлор Донован овде! Жената која не се скрши ни кога ја раскина својата веридба пред некој месец. Нема ништо што би можело да ја помести нејзината емотивна рамнотежа. Зарем тоа може да го направи еден обичен актер кој дури не го ни познава. Што си мислат луѓето, кој е тој? НАЈСЕКСИ МАЖ НА СВЕТОТ??? Луѓето кои тоа го мислат не знаат што е 24/7 работа и труд вложени во својата кариера. И нема НИКОЈ, АПСОЛУТНО НИКОЈ да ја загрози нејзината работа… и ја прикаже како недоделкан тинејџер.
Тоа е тоа, нејзиниот збор секогаш мора да биде последен! Но, сепак таа го видела на малите екрани… И тој е неодолив. И згоден. Шармантен. Но и дрзок. Арогантен. Самобендисан. Тоа е човекот кој на национална телевизија изјавува дека секоја жена ја третира како ново сценарио: Ако не му го задржи вниманието после саат време, тој сценариото го фрла!
Уффф… Ќе го поремети ли Господинот Холивуд нејзиниот совршен, педантен свет во кој сè е подредено на кариерата? Може ли некој да ја расплаче Тејлор – онаа која знае дека во „бејзболот нема плачење“?
НАЈПРОДАВАНАТА РОМАНСА НА САКАМ КНИГИ!
Слаѓан – :
Преубава приказна, препорачувам 🙂
Ана Ѓурова – :
#НајдобраРецензија
#ТеПредизвикувамеДаЧиташ
#СакамКнигиПредизвик2
Дует”Најмрачното изгрејсонце” и “Најсветлото зајдисонце”
“Секогаш е најтесно пред зори,само треба да почекаме уште малку.Сонцето секогаш изгрева”.
Неверојатно!Романтично,шокантно,длабоко, емотивно и толку реално.Едноставно го “проголтав” овој неверојатен дует.Постојат моменти во вашиот живот што би дале се за да се избришат.Ужасни настани низ кои живеете и немате идеја како да продолжите натаму.Али Мартинез ги споила буквите и слоговите и создала такви зборови и реченици од кои излегла оваа неверојатна приказна.Приказна која што ти го одзема здивот,ти го уништува срцето за на крајот да те излекува.Мартинез ткае сложена мрежа од вистини,лаги,тага,вина,желба,надеж и родителска љубов и создава пресврт што ве држи до самиот крај.Во овој дует има и темнина и тага,но има и светлина и надеж.Ќе ви се скрши срцето, авторката ќе ве одведе во приказна што долго време ќе биде во вашата глава.
Шарлот Милс е докторка посветена на своите пациенти и секој момент го поминува во болница за да биде зафатена и да избега од нејзината реалност.Таа последните десет години ги посветува на својата кариера,оставајќи малку време за приватен живот,па дури и за љубов.Затоа што нејзиниот ум се бори со темнината што ја “јаде” откако нејзиното шестмесечно бебе исчезнува додека е под нејзина грижа, оставајќи и го секој здив со вина и жалење.
Портер Рис е вдовец и самохран татко на две деца кои се светлото на неговиот живот И тој како Шарлот има сопствена болка во срцето,но ја занемарува грижејќи се за децата.Тој никогаш нема да заборави колку бил блиску да ги изгуби сите што ги сака.Напорно работи да им обезбеди среќен и стабилен живот на своите деца и да биде родител каков што заслужуваат,цело време давејќи се во беспомошност додека гледа како здравјето на неговиот син секој ден е се полошо.
Судбината ги спојува Портер и Шарлот и се чини дека се создадени еден за друг,сродни души.Нивната врска се развива во нешто единствено и уникатно.Од моментот кога ќе се погледнат настанува хемија меѓу нив,а темнината која ги опфаќа станува место каде што ќе се лекуваат еден со друг.Тие се еден за друг светло во темнината.Но,она што им ги спојува животите е токму тоа што ќе ги уништи.Се’ се менува кога нивните животи одеднаш се судираат,но и при овој пад на недоверба и сомнеж не можат да ги избришат нивните чувства еден за друг.На крајот мора да одлучат дали тие чувства би преживеале во битка во која и двајцата се подготвени да се борат до последен здив.
Ова е вознемирувачка,длабоко потресна приказна за двајца луѓе кои наоѓаат среќа откако долго живееле во сенка на тагата,ви ја препорачувам со задоволство.Срцепарателно,поразително,совршен вртлог на емоции,а зборовите ви го одземаат здивот.Овој дует е еден од најпривлечните и највозбудливите читања.
“Коските можат да се скршат со стапови,но зборовите можат да го уништат целиот живот”.
Катерина (го има купено овој производ од сајтот) – :
Прекрасна книга полна со емоции
Стефани – :
Преубава приказна!😍 Многу ми се допадна,полна книга емоции. Лесно и брзо читлива,за да се опуштиш е супер.
Препорачувам!😇