• img-book

    Фрида МекФаден

Попуст!

Куќната помошничка

од: Фрида МекФаден
5 од 5 од 3 оцени на читатели
3 оцени од читатели

Мили Каловеј живее во својот автомобил и очајно бара пристојна работа. Затоа, веднаш ја прифаќа понудата за куќна помошничка во богатото семејство Винчестер, занемарувајќи ги ситните проблеми што доаѓаат со позицијата.

Се вселува во таванското сопче на прекрасната куќа, каде што има сопствен кревет и покрив над глава – но зошто вратата се заклучува само однадвор? Зошто Нина Винчестер постојано прави неред и ги меша работите и датумите? Зошто градинарот ја предупредува дека ја демне опасност, но не сака да и каже ништо поконкретно?

За жал, Мили нема скршена пара и нема свој дом, па не може да си дозволи да даде отказ.
Освен тоа, со се поголемата привлечност што ја чувствува кон Ендру, сопругот на Нина, не е сосем сигурна дека сака да го направи тоа.

Сепак, наскоро ќе дознае дека ситуацијата во домот на Винчестерови не е воопшто таква каква што изгледа на прв поглед.

520 ден338 ден

Количина:
Запознајте се со авторот
Книги од Фрида МекФаден
За книгата
Детали

Издавач: Издавачка куќа Сакам Книги
Година на издавање:
Број на страници:

  1. :

    5 out of 5

    So eden zbor: PREDOBRA.

  2. :

    5 out of 5

    ,,Куќната помошничка’’

    ,,Ако некој сака да ме заклучи овде може многу лесно да го направи тоа, бидејќи бравата е од надворешната страна наместо од внатрешната.Оваа соба може да биде смртоносна стапица.’’

    Ова е возбудлив психолошки трилер, кој постојано нè тера да ги погодуваме вистинските намери на ликовите. Маестрално поткопува во нашите мисли и нè води на диво возење во срцето на домот расипан од злото. „Куќната помошничка“ е одлична приказна во која нема да знаете на кој лик да му верувате и лесно ќе останете будни до доцна во ноќта за да ја завршите оваа книга. Го сакам овој стил на пишување на Фрида, нејзините книги се толку лесни за читање. Откако ќе почнете да читате, ќе бидете вовлечени во приказната со леснотија што ве поттикнува да продолжите. Го прочитав ова дело на две седнувања. Ова е извртена приказна со многу мали пресврти што се случуваат низ целата книга. Кога читам трилер се сомневам во сите ликови, а пресвртите го направија целосното уживање во книгата. Ако сакате трилери кои ве тераат да погодувате до последната страница,оваа книга ќе ви се допадне.

    Книгата е напишана во три дела. Во првиот дел Мили ни го раскажува нејзиното живеење во автомобилот, таа е сама, без работа и е на условна казна.Во вториот дел наратор е Нина, газдарицата на Мили, каде работи како куќна помошничка.Третиот дел ги спојува првите два дела и сите тајни ги откриваме. И токму кога мислите дека знаете сè за ликовите што би можеле да знаете, последното изненадување е зачувано за крај.

    Ништо не е како што изгледа кога станува збор за приказната на овој роман. Се чувствував како да сум лик кој се крие во сенките и ја гледа целата драма како се одвива. Секој лик во романот е добро опишан.Всушност,беше многу лесно да го замислам секој лик во мојот ум. Никогаш не знаев што да очекувам од Нина.Таа во еден момент беше една личност, но во друг момент сосема поинаква личност. Постојано ја ‘гази’ Мили, ја исмејува и омаловажува во секоја дадена прилика.Сепак,на крај се открива нејзината претстава за тоа зошто таа е таква каква што е.

    Фрида ќе ви стави превез преку очите додека читате, за на крај да ви го тргне од погледот.Феноменално дело и убава нарација. Секоја чест за Фрида!

  3. :

    5 out of 5

    ⭐⭐⭐⭐⭐
    ЛЕЛЕ!!! Каков прекрасен мрачен и изопачен психолошки трилер!! 😱
    Буквално не можев да ја спуштам книгава… и пресвртите?! 😱
    Останав така со отворена уста како што се вртеа страните и како се се отркиваше се повеќе и повеќе бев шокирана. 😱
    Ја препорачувам книгата на сите читатели. 👌
    Се надевам дека за скоро време ќе се преведи и вториот дел ,,The Housemaid’s Secret” #2 .