Јас и ти

“На нашите срца понекогаш им треба само малку време за да го прифатат она што нашите глави веќе го знаат”.

За неколку недели ќе наполни триесет и четири години и смета дека нејзината одлична врска со  Денис треба да премине на следното ниво. Денис е пожарникар со густа црна коса, сини очи и единствена маана е неговата долга плетенка која ја има уште од дете.

“Но во една врска треба да има многу повеќе од една љубов”.

Една прекрасно организирана вечера од страна на Харпер ќе го стави Денис во незгодна ситуација. Во моментот кога Денис собира храброст за да прозбори, тој е прекинат од телефонскиот повик на нејзината полусестра. Таа се јавува за да и ги соопшти големите новости: наскоро ќе се мажи со братот на нејзиниот бивши маж.

За две недели Харпер и Денис одат на свадбата на нејзината сестра Вила, која ќе се оддржи во националниот парк Глечер, во Монтана. Харпер собира храброст за да се сретне со нејзиниот поранешен сопруг Ник.

“Кафе, превкусно. Крстозбор, предизвикувачки. Куче, преслатко. Поранешен сопруг, невидлив”.

Поминале точно дванаесет години откако тие се виделе за последен пат. Нивната приказна започнала прекрасно, но со текот на времето некои работи се влошувале. Една вечер била доволна за да уништи се што било изградено помеѓу нив.

“Ако постоеше чувство што го мразев повеќе од кое било друго, тоа беше да се чувствувам исплашено”.

Ник е маж кој знае како да ги задржи и добие работите кои ги сака во животот, но и покрај се дозволил само една работа да изгуби во животот. Чувствата кон Харпер никогаш не му исчезнале, но тој не може да и прости за неверството со кое дошол и крајот на нивниот брак.

Свадбата во Монтана, ќе пробуди носталгија и стари чувства кај Харпер и Ник.

“Делата зборуваат погласно и кажуваат повеќе од зборовите”.

Книга која ќе ви покаже што е среќен крај и колку всушност тоа може да значи.