Веќе се докажа дека сите си ги сакаме овие книги во стилот на „Очајни домаќинки“… Стилот на Ејми Молој во книгава ме потсетуваше на Мориарти, а самото тоа што се работи за 4-5 жени уште повеќе го засили впечатокот. Ја читав книгава уште кога не беше официјално излезена и мило ми е поради тоа, бидејќи немаше простор туѓи мислења и оцени да влијаат на оформување на мојата. Сега гледам дека веќе има оцени од скоро 30.000 читатели на GR, но мојата оцена дефинитивно е повисока од групната.
Книгава годинава беше нарекувана „најисчекувана книга на летото“, а наскоро ќе биде и филм со Кери Вашингтон во главната улога. Станува збор за доста заразен психолошки трилер за група жени кои се зближуваат кога исчезнува новороденчето на едната од нив, бидејќи се членови на истата група на мајки кои се сретнуваат во градскиот парк секоја недела. Бидејќи целите животи сега им се вртат само околу бебињата, се договараат една вечер да излезат сами и да се олабават малку. Едната од нив, самохраната мајка Вини, не е расположена да го остави бебето со дадилка, но сите останати ја убедуваат дека сè ќе биде океј, па таа најпосле попушта. И вечерта додека тие се излезени, нејзиното бебе го снемува од дома. И сега знаете, следи паника и вперување прст – сите бараат виновник за едно или за друго, некој мора да ја понесе вината. Новинарите ѝ се сипуваат најпрво на мајката; како можела да го остави новороденчето со непозната, каде била таа вечерта, кој е татко на бебето и така натаму.
Ова не е една од оние книги со нови пресврти во секоја глава, па можеби затоа некои очекувале повеќе од неа – не, овде дејствието е повеќе водено од ликовите и ако се поврзеш со нив како што треба, тогаш приказната се чита за една вечер, просто не ти се остава. Ја имаме најпрво Нел, која цела книга ме засмеваше со саркастичната смисла за хумор, но која очигледно крие некоја голема тајна од сите. Потоа Колет, која очигледно има прекрасен маж и доста пари, но и храброст што може да ѝ донесе големи проблеми. И на крај, симпатичната Френси, паничарката која најмногу се вознемирува од киднапирањето, до степен што почнува да станува дури и сомнителна. Дали е Френси толку невина колку што се прави или…?
Оваа книга многу добро овозможува да се ѕирне како е во животот на секоја тазе мајка и одлично покажува дека не постои такво нешто како „совршена мајка“. Најмногу ќеф ми направи крајот – да бидам искрена, не го очекував; очекував нешто тотално друго, а тоа дефинитивно е достигнување, нешто од трилери да ме изненади мене. Плус, пак си заплакав малку за негативецот – тоа е таа тежина кога ќе успее да те погоди приказна. Па, се надевам дека ќе ја прочитате и дека ќе ја доживеете како и јас. Едвај чекам да го гледам филмот!
Јасмина – :
Број 1, книга која не се заборава ❤
Симона – :
Книга што не се заборава
Сакам уште да читам од Линда,се надевам ќе се преведат уште книги
adrimkd – :
Пре прекрасна книга, целосно допирање до сите емоции. Децата се нашето СЕ, нашиот живот! Како мајка и секоја мајка, ќе се пронајде во книгава до срж. И уште една порака носи книгава дека “каменот одблизу доаѓа”, дека секогаш изневерува тој кому му веруваме, дека секогаш во сите случаи криминалецот/предаторот ја познава/се знае со жртвата.
Слаѓан – :
Прекрасна книга, те зграпчува уште од првата страница. Крајот е многу добар и емотивен!
Тамара – :
Прочитана за еден ден,прочитана во еден здив!
Ана Ѓурова – :
#ТеПредизвикувамеДаЧиташ
#СакамКнигиПредизвик1
#рецензија
“Децата се нашиот живот,нашето богатство,нашата среќа,додека се до вас пружете им неизмерна и безусловна љубов,бидејќи не знаеме што носи следниот миг”.
Купете ја оваа книга нема да зажалите.Додека ја читате,верувајте дека ќе плачете.Ова е приказна за пожртвуваноста и силата на една мајка,која е способна да направи и да издржи се за своето дете.Емотивна,болна,срцепарателна книга која допира до секој нерв,до секоја жила во вашето тело.Линда Хауард напишала таква неверојатна приказна што толку длабоко ме трогна,дури и после завршувањето на книгата ми требаше време да се вратам во реалноста.Емоциите на хероината ги разбирам потполно бидејќи и јас сум мајка и јас имам дете.Крајот ми остави толкав голем впечаток,толку ме растргна што ме замисли како јас како мајка би го издржала тоа и дали би се дигнала повторно на нозе.
Мила Бун е мажена за Дејвид,хирург со кого има бебе старо шест недели.Поради работата на Дејвид живеат во Мексико.Непосредно пред враќањето во САД,Мила со своето бебе оди на пазар.И тука се случува најлошиот кошмар за еден родител.Ја напаѓаат двајца и го киднапираат нејзиниот син.При одбраната таа трајно го ослепува едниот од сторителите,а тие нејзе ја прободуваат и ја оставаат во локва крв.
После поминати десет години Мила е разведена и е основач на групата “Пронаоѓачи”,специјализирана за пронаоѓање на изгубени личности,посебно на деца.Десет мачни години таа не ја откажала и потрагата по нејзиниот син.Кога конечно добива информации за киднапирањето на својот син го запознава Дијаз,кој има информации за ослепениот напаѓач на Мила.Како што интензивира потрагата на Мила,така расте и желбата за Дијаз.Таа ненадејно се заплеткува во криминална мрежа-синџир за шверц на бебиња.
Кога ќе ја читате оваа книга ќе ги почувствувате страдањата на Мила и ќе ја разберете нејзината решителност за потрагата.Преку неа ни е претставена секоја мајка што изгубила дете.А Дијаз ќе ви стане омилен херој,иако е мрачен и опасен.Книгава ја препорачувам бидејќи е четиво кое вреди да се прочита.Линда Хауард ни удира “тупаница” со оваа емотивна,чувствителна приказна која ве мава директно во срцето.Добро срочена,одлични ликови и прекрасна приказна.
“Уживајте во прегратките и љубовта на своите деца,тие се нашата причина за живот,нашето светло во мрачниот тунел”.
Мона (го има купено овој производ од сајтот) – :
Одлична книга. Јас би ја класифицирала во редовите на акциони трилери.
Ruzica – :
Прекрасна👍
Слаѓана – :
Колку може да издржи мајчиното срце? Кој е тој зрак на светлина кој не чека на крајот од тунелот? Која е таа сила која ја одржува во живот една мајка која го изгубила своето дете? Вера, надеж ,љубов. Таа не се откажа и тогаш кога беше очајна. Ни тогаш кога никој не веруваше во она за кое таа се бори. Дали оние на кои им веруваме можеби ни забиваат ножеви во грбоhttps://sakamknigi.mk/product/izbrisi-gi-solzite/#т? Понекогаш оние кои ни изгледаат страшно и ни делуваат опасно , всушност се оние најдобрите. Вистинската љубов е само онаа искрената, кога се љуби само со срцето, без интереси, без задни намери,кога љубиш некој само затоа што е тоа што е. Прекрасна приказна, прочитана во еден здив, ме остави без зборови и ме расплака.
sara.davitkovska – :
Прекрасна!
Nadja – :
Една од најубавите кои ги имам прочитано. Книгава е гром! Тешко од памет дека ќе ја извадам некогаш.❤️