-
Колин Хувер
Без каење
од: Колин ХуверМорган има родено дете претерано млада. Заради тоа дете, се има омажено со првото момче од средно школо и целиот нејзин живот е една мирна, предвидлива и малку монотона песна. Таа и нејзината шеснаесетгодишна ќерка Клара се страшно различни и не ни сакаат да бидат слични. Морган, како и секоја мајка на тинејџерка, сака да се погрижи нејзината ќерка да не ги направи истите грешки што ги направила таа кога прерано останала трудна и морала да си ги стави на пауза сите соништа. Но Клара не сака да тргне по чекорите на мајка си. Таа дури и ја презира мајка си бидејќи смета дека не знае што е тоа спонтаност, дека е страшно здодевна.
Единствената личност која може да внесе малку мир во нивните животи е Крис – сопругот на Морган и татко на Клара, кој всушност е сидрото на семејството. Но мирот наеднаш го снемува кога Крис доживува трагична (и сомнителна) сообраќајна несреќа. Јазот помеѓу мајката и ќерката дополнително се зголемува кога почнуваат да се трупаат тајни, болни откритија, недоразбирања и нова љубов. Се чини дека тие две никогаш веќе нема да најдат пат една до друга…
440 ден
Детали
ISBN: 978-608-260-038-3
Издавач: Издавачка куќа Сакам Книги
Година на издавање: 2020
Број на страници: 400
Други што може да ти се допаднат
-
Крадец на колачиња (101 инспиративна приказна)
Секој живот е приказна која вреди да се раскаже.
Секој од нас доживува и преживува настани кои самите по себе се уникатна приказна.
Во тешкото и искушувачко време во кое живееме, навистина е лесно човек да се изгуби и да заборави на вистинските вредности во животот. Оваа книга е вистинска врска со човечното, потсетник за она што е важно во животот. Книгата содржи 101 приказна, секоја уникатна и прекрасна сама по себе, секоја со различна поука и порака која треба да нè потсети на сите работи кои понекогаш ги забораваме. Може да ја чита буквално секој читател од најрана, па до најстара возраст. Приказните се прилично едноставни, како да ги слушате од дете, а сепак сложени и тешки, како да ги раскажува најголемиот мудрец на светот.
Ова е книга која вреди секој да ја има во својата домашна библиотека за да може да посегне по неа секогаш кога ќе почувствува дека губи дел од човечното во себе…
Совет: имајте шамиче во близина кога ќе ја читате оваа книга. Да, длабоко вистинити, страшно тешки и сериозно блиски до секој од нас, овие приказни имаат голема моќ да изнудат солза и од најсилните…
-
Опасен онлајн разговор
Живееме во информатичко општество каде интернетот е неопходен дел од животот на луѓето. Но како што се користи за добри цели, тој така и се злоупотребува од страна на одредени индивидуи. Оваа книга е реалистичен и моќен поглед во животот на тинејџерите и онлајн искушението за запознавање нови луѓе.
Еден ваков аларм кој го нуди оваа книга е потребен и дури неопходен во ова време во кое живееме кога сајтовите за социјално вмрежување се преполни со секаков вид на луѓе од најрана до најстара возраст, каде профили имаат деца кои сè уште не тргнале на училиште, а тинејџерите, заборавајќи го нормалното општење со своите пријатели, ги окупираат своите лаптопи и телефони и „висат“ на интернет од утро до вечер.
Аби и Лук разговараат онлајн. Тие никогаш не се сретнале лично. Но ќе се сретнат. Наскоро.
Аби тргнува во средно училиште, треба да е возбудена, но не е. Напротив, таа е исплашена затоа што никогаш не била меѓу популарните деца. Таа е убава и паметна, но воопшто не верува во себе. Сите ѝ велат да се потруди околу својот изглед, но таа се прашува зошто не ја оставаат да биде своја, зошто ја тераат да се преправа дека е нешто што не е? Аби се чувствува како претходно среќниот живот да ѝ се лизга низ прсти. Единствената работа во која ужива се разговорите со Лук, момче кое го запознава на интернет, единствениот кој ја разбира. Онлајн разговорите со Лук делуваат некако опасно, но сепак добро – тој е нејзината тајна, а таа неговата. Тогаш Лук ја замолува да се сретнат и таа прифаќа. Но Лук не е оној кој Аби мисли дека е.
-
Само пријатели
Дали е подобро никогаш да не се вљубиш или да се вљубиш во некој кој не можеш да го имаш?
Ова е приказна за една девојка која го губи својот татко толку ненадејно што ѝ се разнишува целиот свет. Приказна за една мајка која се обидува да ги заштити своите деца по секоја цена, макар и со лаги. Приказна за едно сираче од дом. Приказна за наоѓање на вистинска љубов и нова надеж, но и за претворање на таа љубов во забранета. Колкупати може светот да ти се сруши под нозе, а сепак да продолжиш да стоиш? Приказна која ќе ви покаже дека некогаш човек може да се смее на работи кои никој не ги смета за смешни. Која ќе ве научи дека акцентот треба да се става на животот. Приказна во која двајца кои се сакаат треба да научат да бидат само пријатели и приказна која ќе ви покаже дека семејството некогаш се и само пријателите…
„Уникатно, како ништо што сте прочитале досега. Што чекате, прочитајте ја веднаш!“ – Тамара Вебер
-
Роза за балерината
Верувате ли во љубов на прв поглед која трае цел живот? Верувате ли во пасија која ве крева на нозе и тогаш кога животот со сета сила зема замав за да ве турне на земја?
Роза за балерината е книга која ќе ве внесе во неколку туѓи, тажни и поврзани животи.
Стилот на пишување во кој е избегнато стандардното раскажување и дејствијата се расплетуваат во форма на писма, мејлови, четувања преку интернет итн., ве тера да се почувствувате како навистина да читате нечии писма, како да чепкате во туѓо сандаче со мејлови и како вистински да сте инволвирани во сите настани.
Приказната започнува со првиот училишен ден на Џес и Мелинда, а од тој ден започнува и нивното неверојатно пријателство, поврзаност и љубов.
Две мали деца со големи срца и амбиции…
Изабела Велковска – :
“Некогаш мора да се откажеш од борбата за да победиш.”
Морган има прекрасно момче со кого се гледа повеќе од една година. Крис е смешен, привлечен и има цели во животот. Една непромислена грешка ќе успее да ги смени нивните животи.
Џени е сестра на Морган, таа е заедно со Џона, кој му е најдобар другар на Крис. Крис и Џени се центар на внимание на секоја забава, додека пак, Џона и Морган се незабележливите асистенти.
“Се прашувам дали луѓето се едонствените живи суштества кои понекогаш се чувствуваат празно однатре.”
Морган на многу млади години ја има родено својата ќерка Клара, поради тоа се има омажено и со првото момче од средно школо. Како и секој родител на тинејџер, така и Морган сака да ја воспита својата ќерка на најдобар начин, да и ги посочи грешките кои таа ги направила на нејзина возраст, за нејзината ќерка да не ги направи истите грешки.
Единствениот лик кој внесува мир и спокој помеѓу мајката и ќерката е Крис, таткото на Клара и сопругот на Морган.
Кога Крис доживува собраќајна несреќа, за миг исчезнува се…
По собраќајната несреќа Морган и Џона откриваат многу тајни. Болните откритија, недоразбирањата и новата љубов се дел од работите кои ќе ги оддалечат Клара и Морган.
Преубава емотивна книга, во која на моменти се нервирав со Морган, го засакав ликот на Клара и се воодушевував на нејзината храброст. Можам да кажам дека ми е една од омилените книги од Хувер.
Слаѓан – :
Прекрасна романтична драма, со елементи на добар хумор! Одлична е 🙂
Изабела Велковска – :
Преубава емотивна книга, во која на моменти се нервирав со Морган, го засакав ликот на Клара и се воодушевував на нејзината храброст. Можам да кажам дека ми е една од омилените книги од Хувер.