-
Лиса Вингејт
Песната на речните птици
од: Лиса ВингејтКнигата е базирана на вистинска приказна за еден од најморничавите светски скандали во кој директорка на здружение на сиропиталишта киднапирала и продавала сиромашни деца на богати семејства низ цела Америка.
Мемфис, 1939. Дванаесетгодишната Рил Фос и нејзините четири помали сестри и братче имаат прекрасен живот на нивниот семеен брод-куќа на реката Мисисипи. Но една вечер, за време на страшна бура, кога татко им мора да ја однесе нивната мајка во болница и ја оставаат Рил како најголема да ги чува помалите деца, одеднаш се појавуваат непознати луѓе. Децата од семејството Фос се нагло и злобно оттргнати од сè што им е познато и завршуваат во сиропиталиште. Иако таму ги уверуваат дека наскоро ќе бидат вратени кај нивните родители, тие набрзо ја сфаќаат мрачната вистина. Соочена со злобата на директорката на институцијата, Рил се бори да не дозволи нејзините сестрички и братче да бидат разделени.
Јужна Каролина, сегашност. Ејвери Стафорд е родена во богато и привилегирано семејство, па има сè што може да посака: успешна кариера како обвинител, згоден вереник и раскошна свадба на повидок. Но кога Ејвери се враќа дома за да му помогне на татко ѝ во здравствена криза, една случајна средба ѝ буди рој прашања и ја тера да започне патување низ долго криеното минато на нејзиното семејство.
Оваа прекрасна приказна на Лиса Вингејт ни покажува дека иако животните патишта можат да нè однесат на многу различни места, срцето никогаш не заборава каде припаѓаме.
450 ден
Моментално недостапна
Детали
ISBN: 978-608-260-009-3
Издавач: Издавачка куќа Сакам Книги
Година на издавање: 2018
Број на страници: 395
Други што може да ти се допаднат
-
Девојката која ја бркаше месечината
Ова е приказна полна со слатка магија, приказна во која две изгубени девојки го наоѓаат своето место под месечината.
Емили Бенедикт доаѓа во Малабај, Северна Каролина, надевајќи се дека ќе реши барем дел од мистериите кои се вртат околу смртта на нејзината мајка. Таа сака да знае зошто нејзината мајка го напуштила своето родно гратче така ненадејно? И зошто се заколнала дека никогаш повеќе нема да се врати таму? Но во моментот кога стапнува во куќата во која пораснала нејзината мајка, каде го запознава нејзиниот дедо – еден вистински чуден и неверојатно нежен џин – таа сфаќа дека мистериите во Малабај не се решаваат, напротив, тие овде се начин на живот. Тука собите се исполнети со тапети кои ги менуваат боите и сликите во зависност од твоето расположение. Овде необјасниви светла прелетуваат низ дворот сред ноќ. И соседите печат надеж во форма на торти.
Сите во Малабај ги обожаваат тортите на Џулија, а таа очигледно не може да престане да ги прави. Ги пече за да ги задоволи апетитите за слатко на градот, но исто така во надеж дека ќе ја врати љубовта за која се плаши дека би можела да биде изгубена засекогаш. Брашно, јајца, млеко и шеќер… Печењето е единствениот јазик со кој гордата, но ранлива Џулија знае да комуницира и да го каже она што го носи во срцето. Но дали овој јазик е доволен за да ги повика оние кои таа ги има повредено во минатото?
Дали една торта навистина може да врати загубена љубов? Одговорите никогаш не се она што го очекувате, но во овој чуден магичен град, неочекуваното е баш она што најдобро се вклопува. -
Без страв
Која е најтешката работа што некој би можел да ја побара од некого?
Тревис Морисон е нуркач шампион и едно од најпопуларните деца во неговото училиште. На првиот ден од летниот распуст, додека се вози со чамец на езерото со неговите пријатели, Тревис одлучува да скокне од една од највисоките и најопасните карпи. Додека паѓа кон водата, нешто што успешно го има направено илјадници пати во животот, нешто тргнува во лош правец. Тревис се плаши дека ја скршил ногата, но тестовите во болницата откриваат ретка форма на рак на коски и со цел да му го спасат животот, докторите им кажуваат на неговите родители дека ќе мора да му ја ампутираат ногата.
Животот на Тревис и на сите останати околу него се менува преку ноќ… Тревис е убеден дека тој и само тој треба да одлучува за својот живот. Тој има план, но не може да го реализира сам. Дали ќе успее да го убеди неговиот најдобар пријател, неговата девојка или неговата сестра… кој било, да му го исполни најважното барање што постои?
-
Крадец на колачиња (101 инспиративна приказна)
Секој живот е приказна која вреди да се раскаже.
Секој од нас доживува и преживува настани кои самите по себе се уникатна приказна.
Во тешкото и искушувачко време во кое живееме, навистина е лесно човек да се изгуби и да заборави на вистинските вредности во животот. Оваа книга е вистинска врска со човечното, потсетник за она што е важно во животот. Книгата содржи 101 приказна, секоја уникатна и прекрасна сама по себе, секоја со различна поука и порака која треба да нè потсети на сите работи кои понекогаш ги забораваме. Може да ја чита буквално секој читател од најрана, па до најстара возраст. Приказните се прилично едноставни, како да ги слушате од дете, а сепак сложени и тешки, како да ги раскажува најголемиот мудрец на светот.
Ова е книга која вреди секој да ја има во својата домашна библиотека за да може да посегне по неа секогаш кога ќе почувствува дека губи дел од човечното во себе…
Совет: имајте шамиче во близина кога ќе ја читате оваа книга. Да, длабоко вистинити, страшно тешки и сериозно блиски до секој од нас, овие приказни имаат голема моќ да изнудат солза и од најсилните…
Изабела Велковска – :
“Оваа прекрасна приказна на Лиса Вингејт ни покажува дека иако животните патишта можат да нè однесат на многу различни места, срцето никогаш не заборава каде припаѓаме.”
Книга базирана на вистинска приказна. Директорка на сиропиталиште киднапира деца, каде подоцна ги продава на богати семејства низ Америка.
“За стотиците кои исчезнаа
и за илјадниците кои не исчезнаа. Нека не се заборават
вашите приказни.”
Во Мемфис, 1939 година, Рил Фос и нејзините четири помали сестри и братче живеат во семеен брод-куќа на реката Мисисипи. Една вечер, за време на страшна бура, нивниот татко мора да ја однесе мајка им во болница, во тој момент ја оставаат Рил да ги чува своите сестри и братче. По некое време се појавуваат непознати луѓе, ги земаат децата од нивната куќа, каде подоцна завршуваат во сиропиталиште.
Тие секојдневно веруваат дека еден ден нивните родители ќе се вратат по нив, но за многу кратко време ја сфаќаат суровата реалност. Директорката ги менува имињата на секое од децата. Подоцна почнува и да ги дели по различни семејства, иако Рил се бори да не дозволи нејзините сестрички и братче да бидат разделени, таа не успева во тоа…
Јужна Каролина, сегашност. Ејвери Стафорд е потекнува од богато семејство, има успешна кариера како обвинител, вереник и треба да прави свадба за краток период. Една случајна средба, губењето на својата значајна алка, која и е наследство од баба и и буди многу неодговорени прашања.
Ејвери започнува да копа по минатото на нејзиното семејство, откривајќи многу длабоки тајни поврзани со нејзината баба. Кога сфаќа дека баба и не е способна да и одговори на прашањата започнува патување низ долгото минато на нејзиното семејство.
“Дали би го сменила правецот на нашите животи да можев?”
Емотивна и мрачна приказна, која на моменти ме изненади, запрепасти и едноставно се соживеав со неа. Бев воодушевена од храброста на децата и одлучноста на Ејвери за да го открие своето минато. Чувствував тага, бидејќи невини деца биле третирани како потенцијална заработка, а воедно и гнев кон директорката, која бесчуствително ги отргнувала децата од своите семејства.
Изабела Велковска – :
“Дали би го сменила правецот на нашите животи да можев?”
Емотивна и мрачна приказна, која на моменти ме изненади, запрепасти и едноставно се соживеав со неа. Бев воодушевена од храброста на децата и одлучноста на Ејвери за да го открие своето минато. Чувствував тага, бидејќи невини деца биле третирани како потенцијална заработка, а воедно и гнев кон директорката, која бесчуствително ги отргнувала децата од своите семејства.
Стефани (го има купено овој производ од сајтот) – :
Многу емотивна приказна,се ежев додека ја читав.Посебно ми се допадна тоа што е базирана според вистински случувања.😊🥰
Овој тип на жанр не ми е омилен,но книгава вреди да се прочита.🤗
Препорачувам!🍀
Слаѓан – :
Преубава приказна со многу сликовити настани, вреди да се прочита – препорачувам 🙂