Бараме книжар/ка за книжарницата во Капитол. Самата позиција во трговски центар подразбира работа во смени, за викенди и празници, кои секако се дополнително платени според Законот за работни односи. Од кандидатите очекуваме да имаат добро познавање на изданијата на Сакам Книги, а пожелно е и работно искуство на иста или слична позиција. Од нас може да очекувате супер тим/колеги за работа, позитивна и креативна средина каде што ќе уживате да работите, флексибилност и разбирање, соработка и отворен ум за вашите идеи/предлози, фиксна плата со доплата за работење недели и празници, плус бонуси. 

Потребни квалификации и вештини:

• Познавање на книжевнотo портфолио на Сакам книги
• Работно искуство на иста или слична позиција
• Познавање на работа со Microsoft Excel
• Познавање на работа со социјални мрежи (Facebook, Instagram)
• Основно познавање на материјално и финансиско работење

Задачи и одговорности:

• Продажба во книжарница во трговски центар, што подразбира подготвеност за работа во работното време на истиот трговски центар.
• Административна работа (креирање и евиденција на фактури и други материјални документи како и дневно/неделно евидентирање на готовинските уплати. Правење нарачки и извештаи за книжарницата итн.)
• Комуникација со соработници и читатели/купувачи
• Дополнителни задачи по барање на претпоставен менаџер  

Личен профил:

• Одлични комуникациски способности и професионален однос
• Одговорна, лојална, љубезна личност и тимски играч
• Подготвеност за работа во смени
• Позитивен и проактивен пристап кон работата 
• Предност ќе имаат креативни лица со искуство во продажба или издаваштво кои ќе можат да придонесат со нови идеи за унапредување на продажбата и целокупната работа

Избраниот кандидат ќе биде комплетно обучен да ракува со нашиот систем за продажба, како и темелно обучен за сите останати задачи кои ќе му бидат препуштени.

Заинтересираните кандидати може да испратат свое резиме на contact@sakamknigi.mk, а пишете ни и неколку збора плус зошто и како се гледате на ова работно место во нашата издавачка куќа. Ќе се земат предвид само кандидатите што ги исполнуваат условите. Огласот е отворен до 01.04.2022.