• img-book

    Грир Хендрикс и Сара Пеканен

Попуст!

ISBN: ISBN 978-608-4672-98-2

Совршената замена

од: Грир Хендрикс и Сара Пеканен
4.6 од 5 од 10 оцени на читатели
10 оцени од читатели

ЖЕНАТА ПРЕТХОДНО…
Ванеса и Ричард биле во брак седум години – сè додека не ја оставил за друга жена, некоја помлада и попосакувана. И таа сега ги поминува деновите навраќајќи се на болни спомени и обидувајќи се да сфати кога работите меѓу нив тргнале во толку лош правец. Но се разбира дека ни таа не е апсолутно невина во сето тоа – таа никогаш не била жената за која ја сметал Ричард.

ЖЕНАТА ОТПОСЛЕ…
Нели е свршена за човекот од нејзините соништа. Ричард е грижлив, харизматичен и успешен, но најважно од сè, ѝ ја дава безбедноста по која секогаш копнеела. Но како што нивната свадба наближува, таа сè повеќе има чувство дека некој ја следи и набљудува.

СОВРШЕНАТА ЗАМЕНА…
Никој не ја знае вистината за тоа што точно се случува во еден брак, дури ни за оние кои од страна личат на среќни бракови. Но Ванеса е сигурна во едно: ќе направи сè што треба за да ја запре свадбата на Ричард пред да биде предоцна. Таа нема да дозволи нејзината совршена замена да му стане нова сопруга.

button-new

440 ден308 ден

8 на залиха

Количина:
Запознајте се со авторот
avatar-author
Грир Хендрикс и Сара Пеканен е дуо од генерален уредник и автор, кои претходно соработувале заедно со години и дошле до идеја заедно да напишат книга. Совршената замена стана инстантен хит кој веднаш се искачи на сите топ листи, така што сигурно нема да им биде последна заедничка книга.
Книги од Грир Хендрикс и Сара Пеканен
Рецензија на уредник

Совршената замена (или оригинал The wife between us) ми го привлече вниманието затоа што веднаш штом излезе од печат почна да се искачува на сите топ листи и не можев да не ја прочитам. Се сеќавам дека беше недела, па си седнав релаксирано попладнето со Киндлот и една кутија чоколатца и додека да се свестам, веќе беше стемнето, бев стигната до пола книга и имав изедено пола од кутијата со чоколади. Ова ќе го кажам од старт; иако има доста пресврти во неа, не е книга што ќе ве шокира и ќе ве акне од земја, но дефинитивно е книга што не се остава, едноставно влече и те тера да се залажуваш со „Ајде само уште една глава, и ајде само уште една“ сè додека не ја прочиташ цела.

Па ајде малку за дејствието: Ванеса и Ричард биле во брак седум години – сè додека не ја оставил за друга жена, некоја помлада и попосакувана. И таа сега ги поминува деновите пиејќи и навраќајќи се на болни спомени, обидувајќи се да сфати кога работите меѓу нив тргнале во толку лош правец. Но се разбира дека ни таа не е апсолутно невина во сето тоа – таа никогаш не била жената за која ја сметал Ричард. Полека патуваме со неа, се навраќаме во минатото и дознаваме што се случувало во нивниот брак.

Од друга страна, помладата Нели е свршена за човекот од нејзините соништа. Ричард е грижлив, харизматичен и успешен, но најважно од сè, ѝ ја дава безбедноста по која секогаш копнеела. Но како што нивната свадба наближува, таа сè повеќе има чувство дека некој ја следи и набљудува. Се гледа дека и Нели има некоја скриена приказна, но уште не знаеме што е тоа.

Она што беше интересно е тоа дека додека ја читав книгава, буквално ме болеше срце за Ванеса. Секојпат кога ќе се спомнеше Нели и кога Ричард се потресуваше околу неа, чувствував љубомора како да се работи за мој маж и тоа е она што ми покажа колку авторките успешно си ја завршиле работата. Нели ми беше допадлива, а истовремено ме нервираше зошто Ричард ја сака, зошто не е веќе со Ванеса. Ова беше чуден и интересен конфликт на емоции за мене.

Никој не ја знае вистината за тоа што точно се случува во еден брак, дури ни за оние кои од страна личат на среќни бракови. Но Ванеса е сигурна во едно: ќе направи сè што треба за да ја запре свадбата на Ричард пред да биде предоцна. Таа нема да дозволи нејзината совршена замена да му стане нова сопруга.

Ќе запрам тука за да не ви го расипам читањето и се надевам дека ќе ви го задржи вниманието како што ми го задржа мене. Веќе најавија и филм по книгата, па ако стигне до финална фаза, баш би сакала да го изгледам.

Детали

ISBN: ISBN 978-608-4672-98-2
Издавач: Издавачка куќа Сакам Книги
Година на издавање: 2018
Број на страници: 370

  1. :

    5 out of 5

    Odlicna prikazna. Preporacuvam.

  2. :

    5 out of 5

    Искрено кога ја земав да ја читам книгава бев многу скептична, мислев дека не е ништо посебно. Ама буквално се чита во еден здив. Поготово последните 50 страници ги прочитав без да трепнам, неизвесна и заплеткана до самиот крај на книгата. Ја препорачувам, и да не ве лажат критиките и негативните коментари, кои во случајов мене само ме поттикнаа да ја прочитам што побрзо.❤️

  3. :

    5 out of 5

    Прекрасна книга.

  4. :

    5 out of 5

    Ја почнав со не многу големи очекувања, но како што се приближував кон крајот сфатив дека едвај чекав да видам што ќе се случи и како ќе заврши. Има добри, неочекувани пресврти и приказната во целост ми го задржа вниманието; ја препорачувам 🙂

  5. :

    5 out of 5

    Книга која совршено покажува што се’ може да се крие под “совршеноста” на некои бракови. Особено ми се допадна пресвртот кога авторките ги спојуваат ликовите на “жената претходно” и жената сега”. Книга со не толку напнати но интересни пресврти и крај со поука дека секоја приказна има две страни.

  6. :

    5 out of 5

    Интересни пресврти. Супер книга што ми го задржа вниманието!

  7. :

    4 out of 5

    Воглавно книгата беше добра и во поголемиот дел од книгата неможев да сфатам што се случува интересна и мистериозна ми беше, само не ми е јасно зошто не открија што се случи со Дјук, на крајот млако 🤔

  8. :

    3 out of 5

    Со исклучок на крајот, целата книга ми беше некако недоволно напната. Стилот и ликовите ми се допаднаа, но очекував многу многу повеќе…

  9. :

    5 out of 5

    Совршена книга.

  10. :

    4 out of 5

    Иако сеуште се крчкат импресиите од прочитаното, секако можам да кажам дека ова е интересна книга, која читајќи го синописот мислиш дека сепак е прилично јасна приказна, но кога ќе почнеш да читаш се случуваат интересни, неочекувани работи. И она што многу ми се допадна во врска со оваа книга е што писателки е немаат напишано со крај за шок ефект, него е убаво спакувано со соодветен крај 🙂

    Секако е препорачувам оваа книга! 🙂